Uyghur putbol heweskarliri dostluq musabiqisi uyushturdi

2010 - Yili 8 - ayning 1 - küni gollandiyidiki algha bas yashlar kulubining orunlashturushi bilen bélgiyide yashawatqan Uyghur putbol heweskarliri teklip qilinip, bir meydan dostluq musabiqisi uyushturuldi.
Ixtiyari muxbirimiz pidaiy
2010-08-03
Élxet
Pikir
Share
Print
Sürette putbol musabiqisidin bir körünüsh
Sürette putbol musabiqisidin bir körünüsh
RFA Photo

Pa'aliyet gollandiyining indofin shehiridiki bir tenterbiye kulubida ötküzülgen bolup, gollandiye we bélgiyidin kelgen 100 din artuq wetendashlar qatnashti. Gérmaniyide turushluq dunya Uyghur qurultiyi yashliri komitétining re'isi gheyur ependimu pa'aliyetni tebriklep, yashlargha medet bérish üchün alahide qatnashti we Uyghurlarning meniwi anisi rabiye xanimning salimini yetküzdi.

Musabiqe axirlashqandin kéyin, shu yerge yéqin bir dalada ziyapet bérilip, ikki dölettiki wetendashlarning qizghin söhbetliri we naxsha - muzika, yumurliri kelgüsidiki ittipaqliqqa ümid berdi. Dunya Uyghur qurultiyi yashlar komitéti re'isi gheyur ependi bashliq chonglar özlirining qizghin salamliri we janliq nutuqliri bilen yiraq - yéqindiki qérindashlirining tileklirini anglatti.

Türlük mezmun we chongqur menilerge tolghan ehmiyetlik pa'aliyet bilen ötken bu yekshenbe, ishtirakchilarning köngülliride untulghusiz eslime qaldurdi.

Yéqinqi yillardin béri türlük imkanlar bilen muhajiret sipige qétilghan Uyghurlarning barghanséri yashliship bérishi netijiside, dunyaning herqaysi jaylirida yashawatqan Uyghur yashliri özi turuwatqan döletlerdin halqip, bashqa döletlerdiki wetendashliri bilen quchaqlashmaqta. Ittipaqlashmaqta. Qolidin kélidighan herxil ijtima'iy we medeni pa'aliyetlerning kölimini kéngeytip, türlirini serxillashturmaqta.

Ötken ayda bélgiyidiki Uyghurlarning teklipi bilen gollandiyidiki yashlar bélgiyining bryussél shehiride öz - ara uchriship bir meydan dostluq musabiqisi ötküzülgen idi.
Toluq bet