خىتاينىڭ قانۇن سىستېمىسى ئىشلەمدۇ؟
2005.09.09
يېقىندا ئۇيغۇر ئېلىگە تۇغقان يوقلاپ بارغان ئامېرىكىدا تۇرۇشلۇق ئۇيغۇر زىيالىيسى شۆھرەت سەيدەھمەت ئەپەندى ئۆزىنىڭ ۋەتەندىن قايتىپ بېيجىڭغا كەلگەن چېغىدا، ئۇيغۇر ئېلىنىڭ بېيجىڭدىكى ئىش بېجىرىش ئورنى دەرۋازىسى ئالدىدا بىر ياشانغان بوۋاينىڭ ئولتۇرغانلىقىنى كۆرگەن. بوۋاينىڭ ئۇنىڭغا دېيىشىچە، ئۇ باشقىلار تەرىپىدىن ئۆلتۈرۈلگەن قىزى ئۈچۈن، بېيجىڭغا كېلىپ، يۇقىرىلاپ ئەرز سۇنماقچى ئىكەن.
بۇ مۇناسىۋەت مۇخبىرىمىز مېھرىبان شۆھرەت سەيدەھمەت ئەپەندىنى زىيارەت قىلدى. شۆھرەت سەيدەھمەت ئەپەندى مۇخبىرىمىز بىلەن ئۆتكۈزگەن سۆھبىتىدە ئۇيغۇر ئېلىنىڭ بېيجىڭدىكى ئىش بېجىرىش ئورنى دەرۋازا ئالدىدا ئولتۇرغان بۇ بوۋاينىڭ روھىي ھالىتىنىڭ ئىنتايىن چۈشكۈن ئىكەنلىكى، ئىلگىرى - كېيىن بولۇپ قىزىنىڭ داۋاسىنى قىلىپ 3 قېتىم بېيجىڭغا بارغان بۇ داۋاگەرنىڭ ئىسمىنىڭ تۇردى ئەمەت ئىكەنلىكىنى ئېيتىپ بەردى.
شۆھرەت سەيدەھمەت ئەپەندىنى رەسىمگە تارتىپ كەلگەن ئەرزنامىدىن مەلۇم بولۇشىچە، بۇ كىشىنىڭ قىزى كەنت باشلىقى تۇرغۇن سىدىق، كېرەم جۈمەك، كەنت پارتكوم سېكرىتارى مۇھەممەت ئىسمائىل ۋە كەنت بوغالتىرى قاتارلىقلارنىڭ ئۇرۇشى نەتىجىسىدە ئۆلگەن بولۇپ، بۇ بوۋاي دەرد ئېيتىپ خىتاي مەركىزىي كومىتېتىغا يازغان، ئاپتونوم رايونلۇق ئەرزىيەت ئىدارىسىغا ئەرز سۇنغان.
مەلۇم بولۇشىچە، تۇردى ئەمەت ئىسىملىك بۇ بوۋاينىڭ خىتاي كومپارتىيىسى مەركىزىي كومىتېتىغا قارىتىپ يازغان ئەرزىدە ئۆزىنىڭ ئۈچتۇرپان ناھىيىلىك كومپارتىيە سېكرىتارى بىلەن ئۇچتۇرپان ناھىيىسى ھاكىمىنىڭ ئۈستىدىن ئەرز قىلماقچى بولۇۋاتقانلىقىنى بىلدۈرۈپ، "ناھىيە سېكرىتارى بىلەن ناھىيە ھاكىمى جىنايەتچىلەرگە يان بېسىپ، دىلونىڭ ئادىل بىر تەرەپ قىلىنىشىغا توسالغۇلارنى ياراتماقتا" ئىكەنلىكىنى ئىلگىرى سۈرگەن.
بۇ ھەقتىكى مەلۇماتلارنى، مۇخبىرىمىز مېھرىباننىڭ بۇ ھەقتىكى تەپسىلى مەلۇماتىدىن ئاڭلاڭ.
خىتايدا قانۇن
- خىتاي ھۆكۈمىتى بىر ئۇيغۇر ئايالنى قانۇنسىز دىنىي تەلىم بەرگەن دېگەن جىنايەت بىلەن قولغا ئالدى
- ئالى سوت مەھكىمىسى دېھقانلارنىڭ يەر- زېمىن ھوقۇقى توغرىسىدىكى قانۇنغا ئىزاھات بەردى
- خىتاي دائىرىلىرى ئۇيغۇر ئېلىدە تۇتقۇن قىلىشنى كۈچەيتمەكتە
- بالىلارغا دىنىي تەربىيە بەرگەن ئامىنىخان ساقچىلار تەرىپىدىن قولغا ئېلىندى
خىتايدا چىرىكلىك
كۆپ كۆرۈلگەن خەۋەرلەر
RFA
- ئۇيغۇر مەجبۇرىي ئەمگەك مەسىلىسى جەنۋەدە باشلانغان ب د ت «سودا ۋە كىشىلىك ھوقۇق مۇنبىرى» نىڭ مۇھىم تېمىسى بولدى
- جەنۋەدىكى ب د ت يىغىنىدا خىتاي ۋەكىللىرى يىغىن مەيدانىنى تاشلاپ چىقىپ كەتكەن
- جەنۋەدىكى ب د ت مۇنبىرىدە: «ئۇيغۇر تەشكىلاتلىرى ۋەكىللىرى ئۇيغۇر مەجبۇرىي ئەمگىكىگە دائىر ھەرقانداق سوئالغا جاۋاب بېرىشكە تەييار! »
- تۇزىنى يەپ، تۇزلۇقىنى چېقىش: خىتاي يازغۇچىسى ۋاڭ مېڭنىڭ ئۇيغۇر سۆيگۈسى قانچىلىك؟
- خىتاي ئۆزىنى ئاقلاش ئۈچۈن «ب د ت 16-نۆۋەتلىك ئاز سانلىقلار مۇنبىرى» دە بىر نەپەر ئۇيغۇر ئايالنى سەھنىگە چىقارغان