Хитайниң қанун системиси ишләмду?


2005.09.09
Share on WhatsApp
Share on WhatsApp
turdi-emet.jpg
Турди әмәт акиниң өлтүрүлгән қизи мәрйәмниң йетим қалған балилири ( рәсимни шөһрәт сәйдәһмәт әпәнди тәминлигән)

Йеқинда уйғур елигә туғқан йоқлап барған америкида турушлуқ уйғур зиялийси шөһрәт сәйдәһмәт әпәнди өзиниң вәтәндин қайтип бейҗиңға кәлгән чеғида, уйғур елиниң бейҗиңдики иш беҗириш орни дәрвазиси алдида бир яшанған бовайниң олтурғанлиқини көргән. Бовайниң униңға дейишичә, у башқилар тәрипидин өлтүрүлгән қизи үчүн, бейҗиңға келип, юқирилап әрз сунмақчи икән.

Бу мунасивәт мухбиримиз меһрибан шөһрәт сәйдәһмәт әпәндини зиярәт қилди. Шөһрәт сәйдәһмәт әпәнди мухбиримиз билән өткүзгән сөһбитидә уйғур елиниң бейҗиңдики иш беҗириш орни дәрваза алдида олтурған бу бовайниң роһий һалитиниң интайин чүшкүн икәнлики, илгири - кейин болуп қизиниң давасини қилип 3 қетим бейҗиңға барған бу давагәрниң исминиң турди әмәт икәнликини ейтип бәрди.

Шөһрәт сәйдәһмәт әпәндини рәсимгә тартип кәлгән әрзнамидин мәлум болушичә, бу кишиниң қизи кәнт башлиқи турғун сидиқ, керәм җүмәк, кәнт партком секритари муһәммәт исмаил вә кәнт боғалтири қатарлиқларниң уруши нәтиҗисидә өлгән болуп, бу бовай дәрд ейтип хитай мәркизий комитетиға язған, аптоном районлуқ әрзийәт идарисиға әрз сунған.

Мәлум болушичә, турди әмәт исимлик бу бовайниң хитай компартийиси мәркизий комитетиға қаритип язған әрзидә өзиниң үчтурпан наһийилик компартийә секритари билән учтурпан наһийиси һакиминиң үстидин әрз қилмақчи болуватқанлиқини билдүрүп, "наһийә секритари билән наһийә һакими җинайәтчиләргә ян бесип, дилониң адил бир тәрәп қилинишиға тосалғуларни яратмақта" икәнликини илгири сүргән.

Бу һәқтики мәлуматларни, мухбиримиз меһрибанниң бу һәқтики тәпсили мәлуматидин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.