Xitayning qanun sistémisi ishlemdu?

• Méhribanning bu heqtiki tepsili melumati
• Download story audio

Turdi emet akining öltürülgen qizi meryemning yétim qalghan baliliri ( resimni shöhret seydehmet ependi teminligen)

Yéqinda Uyghur élige tughqan yoqlap barghan amérikida turushluq Uyghur ziyaliysi shöhret seydehmet ependi özining wetendin qaytip béyjinggha kelgen chéghida, Uyghur élining béyjingdiki ish béjirish orni derwazisi aldida bir yashan'ghan bowayning olturghanliqini körgen. Bowayning uninggha déyishiche, u bashqilar teripidin öltürülgen qizi üchün, béyjinggha kélip, yuqirilap erz sunmaqchi iken.

Bu munasiwet muxbirimiz méhriban shöhret seydehmet ependini ziyaret qildi. Shöhret seydehmet ependi muxbirimiz bilen ötküzgen söhbitide Uyghur élining béyjingdiki ish béjirish orni derwaza aldida olturghan bu bowayning rohiy halitining intayin chüshkün ikenliki, ilgiri - kéyin bolup qizining dawasini qilip 3 qétim béyjinggha barghan bu dawagerning ismining turdi emet ikenlikini éytip berdi.

Shöhret seydehmet ependini resimge tartip kelgen erznamidin melum bolushiche, bu kishining qizi kent bashliqi turghun sidiq, kérem jümek, kent partkom sékritari muhemmet isma'il we kent boghaltiri qatarliqlarning urushi netijiside ölgen bolup, bu boway derd éytip xitay merkiziy komitétigha yazghan, aptonom rayonluq erziyet idarisigha erz sun'ghan.

Melum bolushiche, turdi emet isimlik bu bowayning xitay kompartiyisi merkiziy komitétigha qaritip yazghan erzide özining üchturpan nahiyilik kompartiye sékritari bilen uchturpan nahiyisi hakimining üstidin erz qilmaqchi boluwatqanliqini bildürüp, "nahiye sékritari bilen nahiye hakimi jinayetchilerge yan bésip, diloning adil bir terep qilinishigha tosalghularni yaratmaqta" ikenlikini ilgiri sürgen.

Bu heqtiki melumatlarni, muxbirimiz méhribanning bu heqtiki tepsili melumatidin anglang.