Enqerening qazan rayonidiki yighinda Uyghur medeniyet mesililirimu muhakime qilindi
2012.11.08
Ikki kün dawamlishidighan bu yighin'gha ezerbeyjan, qirghizistan, wén'griye, tataristan, türkmenistan, moldawiye we türkiyidin köp sanda kishi qatnashti.
Yighinda qazan rayonidiki tarixiy medeniy miraslar we qazan xelqining medeniyiti, türkiy xelqlerning medeniyet, örp-aditi heqqide ilmiy munaziriler élip bérilmaqchi.
Bu yighin “Türkiye xelq kültüri tetqiqat merkizi” teripidin uyushturulghan bolup, yighinning échilish murasimida Uyghur medeniyiti duchar boluwatqan mesililer otturigha qoyuldi.
“Türkiye xelq kültüri” tetqiqat merkizidin érfan ünwer nasrettin oghli yighin heqqide bizge bergen bayanatida bu xil yighinni hazirghiche dunyaning nurghun jaylirida achqanliqini, sherqiy türkistanda échish niyiti bolsimu xitayning buninggha ruxset qilmaydighanliqini bildürdi.
Yighin heqqide téximu tepsiliy melumatqa ige bolush üchün érfan ünwer nasrettin oghli we wén'griye budapésht uniwérsitéti oqutquchisi Eva Kincses Nagy xanimlar bilen élip barghan söhbitimizge qulaq salghaysiler.