Қәһриман ғоҗамбәрди : рабийә қадир ханимниң паалийәтлири қазақистан уйғурлириға үмид елип кәлди


2008.02.13

Қазақистан чәтәлләрдики уйғурлар әң көп җайлашқан мәмликәт. Бу дөләттә уйғур тили, уйғур мәдәнийити вә уйғур миллий кимлики бир қәдәр яхши сақланған болуп, қазақистан уйғурлири 20-әсир уйғур сиясий күрәшлири вә мәдәнийәт һәрикәтлиридә муһим рол ойниған. Әмма, 1995-йили "шаңхәй бәшлики" тәсис қилинғандин кейин, қазақистан билән хитай йеқин һәмкарлиқ мунасивәт орнитип, өзара мунасивәтлирини пәйдин-пәй истратегийилик һәмкарлиқ дәриҗисигә көтүрди.

Д у қ қурултийиниң муавин рәиси қәһриман ғоҗамбәрди мухбиримиз үмидварға астана даирилириниң хитайниң тәлипи бойичә уйғурларниң түрлүк сиясий түс алған паалийәтлирини қамал астиға алғандин кейин, уйғурларниң бир мәзгил күчәйгән паалийәт долқунлириниң бираз пәсийишкә қарап йүзләнгәнлики һәмдә уйғур җәмийәтлири арисида өз - ара беқинмаслиқ кәйпиятлири пәйда болғанлиқи, лекин, д у қ рәиси рабийә қадир ханимниң йеқиндин буян ғәрб дунясида елип бериватқан паалийәтлири һәмдә америка президенти бушниң уни прагада қобул қилиши қатарлиқ көплигән йеңилиқларниң қазақистан уйғурлириға илһам вә ишәнч елип кәлгәнликини билдүрди.

юқиридики улиништин, өз мухбиримиз үмидварниң д у қ қурултийиниң муавин рәиси қәһриман ғоҗамбәрди билән қазақистандики уйғурларниң әһвали һәққидә өткүзгән телефон сөһбитини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.