Қазақистанда ойғанған уйғур роһи (1)

Қазақистанниң алмата шәһиридә, шәвкәт тиятири тәрипидин сәһнигә елип чиқилған күчлүк миллий роһқа игә вәтәнпәрвәрлик сәнәт кечилики, қазақистан уйғурлириниң 5 - июл вәқәсигә болған инкасиниң әң күчлүк намайәндиси дейишкә болиду. Дуняниң һәр қайси җайлирида яшаватқан уйғурларму, йеқиндин буян мәзкур кечиликни тор бәтләр арқилиқ көрүшкә муйәссәр болди.
Мухбиримиз гүлчеһрә
2010-08-20
Share
Nime-qilduq-weten-uchun-naxsha-305 Сүрәт, 5 - ийул вәқәсидин кейин йәни 2009 - йили өктәбирдә, алматада шәвкәт тийатири тәрипидин сәһнигә елип чиқилған "хуш кәйпийат" сәнәт кечиликидә "немә қилдиң вәтән үчүн" ни орунлиған йаш нахшичи адилә зәйниабдулниң сәһнидики көрүнүши.
http://www.azatliq.net Дин елинди.

Тамашибинларниң йүрәк тарини титритип, вәтәнпәрвәрлик туйғулирини ойғитишқа сәвәб болуватқан бу кечилик дуняниң һәр қайси җайлирида яшаватқан уйғурлар арисида зор алқишқа еришип, күчлүк инкас пәйда қилмақта.

Бу мунасивәт билән мәзкүр сәнәт кечиликиниң вуҗудқа чиқишида әң асаслиқ рол ойниған кечилик режиссори, йәни алматадики шәвкәт тиятириниң қурғучиси шәвкәт нәзәроф әпәндини зиярәт қилдуқ.

Қазақистан җумһурийитидә уйғурлар асасән алмата, яркәнт шәһәрлири вә әтрапитики йеза, кәнтләргә мәркәзләшкән, қазақистандики уйғурлар уйғур елиниң чегриси сиртида уйғур миллий маарипи, мәдәнийәт - сәнитини әң мукәммәл сақлап келиватқан бир топ. Уларниң ичидә аҗайип талант игилири, һәр саһәдә көзгә көрүнгән, шөһрәт қучқучилар бар, улар қазақистан җәмийитила әмәс, пүтүн уйғур миллий мәдәнийитиниң тәрәққиятиғиму төһпиләр яритип кәлгән һәм яратмақта.
 
Өткән йили үрүмчидә йүз бәргән 5 - июл вәқәси өз нөвитидә қазақистандики уйғурларни қаттиқ силкиди. Хитай һөкүмитиниң уйғурларға қаратқан қанлиқ қирғинчилиқи уларни ғәзәпкә кәлтүрди, уйғур вәтинидики хәлқиниң азаблири уларни қайғуға чөмдүрди. Йәнә бир муһим тәрипи улардики йошурун уйғур роһи вәтәнпәрвәрликини ойғатти.

Қазақистан уйғурлири намайиш, йиғилишлар, нәзир ‏- чирақлар, түрлүк паалийәтләр арқилиқ хитайниң 5 - июлда ана вәтинидә уйғурларға елип барған қирғинчилиққа қаршилиқини ипадилиди.

5 - Июл вәқәсидин кейин йәни2009 - йили өктәбирдә шәвкәт тиятири тәрипидин сәһнигә елип чиқилған "хуш кәйпият" сәнәт кечиликини Буниң бир намайәндиси дейиш мумкин. Шундақла бу кечилик қазақистандики уйғурларниң бу дөләттә өз мәдәнийәт сәнәтлирини тәрәққи әткүзүштә әвзәл шараитларға игә икәнликиниң испати сүпитидә мәйданға кәлди. Уйғурларниң вәтән туприқидин бир қәдәм узақлиқтики қазақистан җумһурийитидә демократийә вә әркинликтин бәһриман болуватқанлиқини йорутти.

Қазақистандики уйғур яш талант игилириниң орундиған сап уйғур миллий роһиға игә сәнәт номурлири дуняниң һәр қайси җайлиридики уйғурларға зор исситик зоқ беғишлапла қалмай, уларниң йүрәк тарилирини чекип, вәтәнпәрвәрлик һессиятлирини, миллий роһини силимақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт