Qazaqistanda oyghan'ghan Uyghur rohi (1)

Qazaqistanning almata shehiride, shewket tiyatiri teripidin sehnige élip chiqilghan küchlük milliy rohqa ige wetenperwerlik sen'et kéchiliki, qazaqistan Uyghurlirining 5 - iyul weqesige bolghan inkasining eng küchlük namayendisi déyishke bolidu. Dunyaning her qaysi jaylirida yashawatqan Uyghurlarmu, yéqindin buyan mezkur kéchilikni tor betler arqiliq körüshke muyesser boldi.
Muxbirimiz gülchéhre
2010-08-20
Share
Nime-qilduq-weten-uchun-naxsha-305 Süret, 5 - iyul weqesidin kéyin yeni 2009 - yili öktebirde, almatada shewket tiyatiri teripidin sehnige élip chiqilghan "xush keypiyat" senet kéchilikide "néme qilding weten üchün" ni orunlighan yash naxshichi adile zeyniabdulning sehnidiki körünüshi.
http://www.azatliq.net Din élindi.

Tamashibinlarning yürek tarini titritip, wetenperwerlik tuyghulirini oyghitishqa seweb boluwatqan bu kéchilik dunyaning her qaysi jaylirida yashawatqan Uyghurlar arisida zor alqishqa ériship, küchlük inkas peyda qilmaqta.

Bu munasiwet bilen mezkür sen'et kéchilikining wujudqa chiqishida eng asasliq rol oynighan kéchilik rézhissori, yeni almatadiki shewket tiyatirining qurghuchisi shewket nezerof ependini ziyaret qilduq.

Qazaqistan jumhuriyitide Uyghurlar asasen almata, yarkent sheherliri we etrapitiki yéza, kentlerge merkezleshken, qazaqistandiki Uyghurlar Uyghur élining chégrisi sirtida Uyghur milliy ma'aripi, medeniyet - sen'itini eng mukemmel saqlap kéliwatqan bir top. Ularning ichide ajayip talant igiliri, her sahede közge körün'gen, shöhret quchquchilar bar, ular qazaqistan jem'iyitila emes, pütün Uyghur milliy medeniyitining tereqqiyatighimu töhpiler yaritip kelgen hem yaratmaqta.
 
Ötken yili ürümchide yüz bergen 5 - iyul weqesi öz nöwitide qazaqistandiki Uyghurlarni qattiq silkidi. Xitay hökümitining Uyghurlargha qaratqan qanliq qirghinchiliqi ularni ghezepke keltürdi, Uyghur wetinidiki xelqining azabliri ularni qayghugha chömdürdi. Yene bir muhim teripi ulardiki yoshurun Uyghur rohi wetenperwerlikini oyghatti.

Qazaqistan Uyghurliri namayish, yighilishlar, nezir ‏- chiraqlar, türlük pa'aliyetler arqiliq xitayning 5 - iyulda ana wetinide Uyghurlargha élip barghan qirghinchiliqqa qarshiliqini ipadilidi.

5 - Iyul weqesidin kéyin yeni2009 - yili öktebirde shewket tiyatiri teripidin sehnige élip chiqilghan "xush keypiyat" sen'et kéchilikini Buning bir namayendisi déyish mumkin. Shundaqla bu kéchilik qazaqistandiki Uyghurlarning bu dölette öz medeniyet sen'etlirini tereqqi etküzüshte ewzel shara'itlargha ige ikenlikining ispati süpitide meydan'gha keldi. Uyghurlarning weten tupriqidin bir qedem uzaqliqtiki qazaqistan jumhuriyitide démokratiye we erkinliktin behriman boluwatqanliqini yorutti.

Qazaqistandiki Uyghur yash talant igilirining orundighan sap Uyghur milliy rohigha ige sen'et nomurliri dunyaning her qaysi jayliridiki Uyghurlargha zor issitik zoq béghishlapla qalmay, ularning yürek tarilirini chékip, wetenperwerlik héssiyatlirini, milliy rohini silimaqta.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet