Qazaqistanda oyghan'ghan Uyghur rohi (3)

Qazaqistandiki Uyghurlarning - 5 iyul ürümchi weqesidin kéyinki milliy oyghinishi süpitide, bultur 10 ‏- ayda shewket tiyatiri uyushturghan Uyghur wetenperwerlik sen'et kéchiliki, qazaqistandiki Uyghur tamashibinlardin bashqa mezkur kéchilikni tor betler, DVD arqiliq tamasha qilishqa muyesser bolghan her bir Uyghurni zor hayajan'gha salmaqta.
Muxbirimiz gülchéhre
2010-08-25
Share
Nime-qilduq-weten-uchun-naxsha-305 Süret, 5 - iyul weqesidin kéyin yeni 2009 - yili öktebirde, almatada shewket tiyatiri teripidin sehnige élip chiqilghan "xush keypiyat" senet kéchilikide "néme qilding weten üchün" ni orunlighan yash naxshichi adile zeyniabdulning sehnidiki körünüshi.
http://www.azatliq.net Din élindi.

Mezkur wetenperwerlik sen'et kéchiliki Köpchilikke éstétik zoq béghishlapla qalmay, ularning wetenperwerlik milliy rohini urghutmaqta.

Pütünley yash hem sebiy yéngi bir ewlad Uyghur talat igiliri namayan bolghan, sap Uyghur til we sen'iti arqiliq Uyghur milliy rohi, küchlük wetenperwerlik, inaqliq, ümid we ishench eks etken qazaqistan shewket tiyatirining 9 ‏- nöwetlik, mexsus 5 ‏- iyul ürümchi qirghinchiliqigha béghishlan'ghan wetenperwerlik sen'et kéchiliki Uyghurlarni hayajan'gha salmaqta.
 
Mezkur kéchilikni neq meydanda körgen qazaqistandiki tamashibinlardin, almatadiki pidagogika uniwérsitétining dotsénti arslan Uyghur ependi, mezkur kéchilikni körgendin kéyinki tesiratlirini bayan qildi.

Qazaqistandiki Uyghurlarning mezkur wetenperwerlik sen'et kéchiliki öz nöwitide hijrette yashawatqan Uyghurlarning sen'ettin changqighan qelbige be'eyni changqighan tupraqqa su sepkendek zoq béghishlighan bolup, kanadada yashawatqan sha'ir tuyghunjan abduweli öz hayajinini ipadilidi.

Mezkur wetenperwerlik sen'et kéchilikining bash rézhissori, shewket tiyatirining mes'uli shewket ependi we uning mu'awini daniyar ependi shundaqla talantliq yash sha'ire, kéchilikning mu'ellipi nazugumlar, gerche tiyatirning hazirqidek rawaji asan kelmigen bolsimu, ana til we medeniyet sen'itige bolghan söygü hem wijdani burchining türtkisi shundaqla tamashibinlarning qollishi we hayajinidin zor ilham alghanliqini, mumkin bolsa Uyghur rohini sen'et arqiliq dunya sehniside körsitishning, tiyatirdiki barliq Uyghur talant igilirining ortaq arzusi ikenlikini bayan qildi.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet