Qeyser özhun Uyghur qelemkeshler merkizining re'islikige saylandi

Türkiyining istanbul shehiride chaqirilghan "oral ‏- altay tilliri qelemkeshler birliki" namliq yighin 3 ‏- künige qedem qoyghan bolup, süret, yighin zalidin bir körünüsh.

Bu künde yighin'gha qatnashqan qelemkeshlerdin Uyghur qelemkeshler istanbuldiki osman abidisi méhmanxanisining yighin zalida Uyghur qelemkeshler merkizining yéngi idare hey'et rehberlikini belgilesh üchün démokratik usulda saylam élip bardi.

Uyghur qelemkeshler merkizining tünji nöwetlik bu qurultiyigha dunyaning her qaysi jayliridin kelgen 22 din artuq Uyghur qelemkesh wekiller qatniship awaz berdi.

Saylamgha qazaqistan yazghuchilar ittipaqining ezasi, Uyghur yazghuchi rabik isma'iluf riyasetchilik qilip saylam pa'aliyitini tertipke saldi. Saylam netijiside Uyghur qelemkeshler merkizining barliq rehberlik qatlimi qizghin keypiyat we talash ‏- tartish ichide démokratik usulda muweppeqiyetlik belgilendi.

Saylam netijiside köp awaz bilen qelemkeshler merkizining sabiq bash katipi qeyser özhun ependi re'islikke, qazaqistanda yashawatqan Uyghur edebiyatchi doktur xemit hemrayuwa bash katipliqqa saylandi. Qeyser özhun ependi özining wezipe tapshurulighandin kéyinki élip barmaqchi bolghan pilanliri heqqide söz qildi.

Saylam ishtirakchiliri re'islikke saylan'ghan qeyser özhun we bash katipliqqa saylan'ghan doktor xemit hemrayéw qizghin tebriklidi.

Biz saylam axirlashqandin kéyin bu saylam heqqide téximu köp melumat élish üchün yéngidin re'islikke saylan'ghan qeyser özhun ependi we yaponiye kagoshima uniwérsitétning mutexessisi shundaqla dunya Uyghur qurultiyining yaponiyidiki wekili doktor haji qutluq qadiri ependi bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.