Шаирә --- зәйнурә ханим билән " шеһидләр өлмәс" намлиқ шеири һәққидә сөһбәт


2007.12.05
Share on WhatsApp
Share on WhatsApp

8 ‏- Ноябир күни қәшқәрдә 5 уйғурға берилгән өлүм җазасиға қарита инкаслар һәм чәт әл мәтбуатлирида һәм уйғур мәтбуатлирида изчил түрдә давам қилмақта. Бүгүн йәни 5 ‏- ноябир күни уйғур маарип тор бетидә шаирә зәйнурә әйса ханимниң " шеһидләр өлмәс " намлиқ шеири елан қилинди. Зәйнурә әйса 1944 ‏-йили қурулған шәрқи түркистан җумһурийити миллий армийә атлиқ полкиниң дохтури әсқәрҗан сулаймануфниң қизи, у 1965 ‏-йилидин 1985 йилиғичә шинҗаң университетиниң әдәбият факултитида оқутқучи болуп ишлигән,1985 ‏-йилидин башлап түркийидә яшаватиду.

Зәйнурә ханим өзиниң шеһидләр өлмәс намлиқ бу шеирини, қәшқәрдә 5 уйғурға өлүм җазаси берилгәнлик хәвирини аңлиғандин кейин язғанлиқини билдүрүп, шәрқи түркистанда, хитай һөкүмитиниң шунчә қаттиқ бастурушлириға қаримай, изчил көрүлүватқан бу хил қаршилиқ һәрикәтлириниң сәвәбини алди билән хитайниң чекидин ашқан зулуми андин бу яшларниң сағлам виҗдани вә пак имани дәп көрсәтти.

Зәйнурә ханим йәнә, әгәр бүгүн дуня уйғур дегән милләтниң йәр шарида яшаватқинини билип туруватқан болса, бу бир тәрәптин рабийә қадирға охшаш талант игилириниң пидакарлиқидин болса, йәнә бир тәрәптин, виҗданлиқ уйғур яшлириниң пидакарлиқидин болғанлиқини көрситип өтти.

Зәйнурә ханим йәнә, исламий кимликниң уйғур миллий кимликиниң асаслиқ вә муһим бир қисми икәнликини; ислам дининиң уйғурларни хитай ассимилатсийесидин қоғдашта қорған болупла қалмай, йәнә уйғурларниң зулумға қарши күрәшлиридә, күч вә җасарәт мәнбәси болуп келиватқанлиқини әскәртти вә бу пикрини турк шаирлиридин ариф ниһат ася ниң бир шеири билән ипадилиди.

Қәшқәрдә өлүмгә буйрулған уйғур мустәқилчилири һәққидики инкаслар пакистан дөләт мудапиә министирлиқиниң тор бетидиму сәһипә игилиди. У сәһипидики муназиридә, хитай‏- уйғур тоқунушида һәқсиз тәрәпниң хитай икәнлики, хитайниң инсан ирадисини қорал күчигә тайинип бойсундуруш тиришчанлиқиниң нәтиҗә бәрмәйдиғанлиқи оттуриға қоюлди. (Шөһрәт һошур)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.