Sha'ire --- zeynure xanim bilen " shéhidler ölmes" namliq shé'iri heqqide söhbet


2007-12-05
Share

8 ‏- Noyabir küni qeshqerde 5 Uyghurgha bérilgen ölüm jazasigha qarita inkaslar hem chet el metbu'atlirida hem Uyghur metbu'atlirida izchil türde dawam qilmaqta. Bügün yeni 5 ‏- noyabir küni Uyghur ma'arip tor bétide sha'ire zeynure eysa xanimning " shéhidler ölmes " namliq shé'iri élan qilindi. Zeynure eysa 1944 ‏-yili qurulghan sherqi türkistan jumhuriyiti milliy armiye atliq polkining doxturi esqerjan sulaymanufning qizi, u 1965 ‏-yilidin 1985 yilighiche shinjang uniwérsitétining edebiyat fakultitida oqutquchi bolup ishligen,1985 ‏-yilidin bashlap türkiyide yashawatidu.

Zeynure xanim özining shéhidler ölmes namliq bu shé'irini, qeshqerde 5 Uyghurgha ölüm jazasi bérilgenlik xewirini anglighandin kéyin yazghanliqini bildürüp, sherqi türkistanda, xitay hökümitining shunche qattiq basturushlirigha qarimay, izchil körülüwatqan bu xil qarshiliq heriketlirining sewebini aldi bilen xitayning chékidin ashqan zulumi andin bu yashlarning saghlam wijdani we pak imani dep körsetti.

Zeynure xanim yene, eger bügün dunya Uyghur dégen milletning yer sharida yashawatqinini bilip turuwatqan bolsa, bu bir tereptin rabiye qadirgha oxshash talant igilirining pidakarliqidin bolsa, yene bir tereptin, wijdanliq Uyghur yashlirining pidakarliqidin bolghanliqini körsitip ötti.

Zeynure xanim yene, islamiy kimlikning Uyghur milliy kimlikining asasliq we muhim bir qismi ikenlikini؛ islam dinining Uyghurlarni xitay assimilatsiyésidin qoghdashta qorghan bolupla qalmay, yene Uyghurlarning zulumgha qarshi küreshliride, küch we jasaret menbesi bolup kéliwatqanliqini eskertti we bu pikrini turk sha'irliridin arif nihat asya ning bir shé'iri bilen ipadilidi.

Qeshqerde ölümge buyrulghan Uyghur musteqilchiliri heqqidiki inkaslar pakistan dölet mudapi'e ministirliqining tor bétidimu sehipe igilidi. U sehipidiki munaziride, xitay‏- Uyghur toqunushida heqsiz terepning xitay ikenliki, xitayning insan iradisini qoral küchige tayinip boysundurush tirishchanliqining netije bermeydighanliqi otturigha qoyuldi. (Shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet