Qirghizistanda hökümetke qarshi namayish yüz berdi

5 ‏- Awghust küni qirghizistan paytexti bishkek shehiride "makan bayriqi" partiyisining yétekchisi hurmat barqit'abbasufning qollighuchiliri namayish qilip, waqitliq hökümetning hakimiyettin kétishini telep qilishti.
Muxbirimiz azat
2010-08-06
Share
Qirghiz-oktichi-kuch-lideri-Hurmat-305 Sürette, 5- awghust, "makan bayriqi" partiyisining yétekchisi hurmat barqitabbasuf we uning qollighuchiliri saqchilar bilen namayish jeryanida kélishish élip barmaqta.
AFP Photo

Hurmat barqit'abbasuf "makan bayriqi" partiyisining qurghuchisi bolup, 2005-yili 5-iyunda hakimiyetni zorluq küchi bilen tartiwélishqa urun'ghan, dégen guman bilen qurmanbék baqiyéf hakimiyiti teripidin tutush buyruqi chiqirilghandin kéyin, qazaqistan'gha qéchip kétip, shu döletning puqraliqigha ötken. Baqiyéf hakimiyiti aghdurulghandin kéyin, qirghizistan'gha qaytip kélip, öz yurti bolghan issiqköl oblastining béliqchi shehiride waqitliq hökümetke qarshi pa'aliyetler bilen shughullan'ghan.
 
Parlamént binasi aldigha toplan'ghan 3000 artuq namayishchi hurmat baqit'abbasufning kélishini kütüp turghanda, qirghizistan ichki ishlar ministirliqining saqchi qisimliri bishkek shehirining sherqidiki qent-bishkek yolini qamal qilip, hurmat barqit'abbasuf we uning 700 artuq qollighuchilirini arqigha qaytishqa mejbur qildi.
 
Prézidént otunbayiwaning tapshuruqi boyiche hurmat barqit'abbasuf bilen sözlishishke barghan prézidént meslihetchisi topchibék turghun'eliyifning bügün muxbirlargha bergen melumatigha qarighanda, hurmat barqit'abbasuf waqitliq hökümetke, bishkekte xelq qurultiyi ötküzüshke ruxset qilish, özi üstidin chiqirilghan tutush buyruqini bikar qilish hemde özini qirghizistan hökümitining bash ministirliqigha teyinleshtin ibaret üch türlük telepni otturigha qoyghan.
 
Saqchi terep bilen namayishchilar arisidiki sözlishish netijisiz ayaghlashqandin kéyin, chüshtin kéyin sa'et 4 ler chamisida saqchi terep namayishchilarni qoral küchi bilen tarqitishqa kirishti. Közdin yash aqquzudighan bomba we aptomatlardin asman'gha qaritip étilghan oqlar netijiside, hurmat barqit'abbasuf we uning qollighuchiliri qéchishqa mejbur bolushti.

Qirghizistan döletlik téléwiziyisining kechki melumatigha qarighanda, qoralliq qisimlar tik uchar ayrupilanlarning yardimi bilen hurmat barqit'abbasuf we uning 27 neper egeshkuchisini hemde ularning qolidiki aptomobilgha qachilan'ghan qoral-yaraqni issiq ata rayonida qolgha chüshürgen.

Ichki ishlar ministiri quwetbék bayboluf téléwiziyide söz qilip xelqni tinchliqni saqlashqa, éghwagerlerge aldanmasliqqa chaqirdi hemde özining buyruqi bilen 1500 neper qoralliq saqchi we 7000 kishilik xelq qoshunlirining bishkek shehirining tinchliqini saqlash üchün kech sa'et 8 din bashlap sheher ichi we etraptiki rayonlarda charlash ilip baridighanliqini jakarlidi.

Bügünki namayish sewebidin bishkek shehridiki bazarlar we soda saraylirining baldurla taqilip ketkenlikini hésabqa almighanda, nöwette sheherning tinchliqi asasen eslige keldi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet