Qosh til ma'aripigha tüzitish nedin, qandaq bashlinishi kérek?

Uyghurlardiki xitayning qosh til ma'arip siyasitige qarshi naraziliq, tenqidi inkaslar izchil küchlük bolup kelmekte.
Muxbirimiz gülchéhre
2012.08.28
erkin-sidiq-xelqaraliq-yighin-305.jpg Doktor erkin sidiq ependi kaliforniye shtati san di'ego xelq'araliq yighin merkizi aldida. 2011-Yili 21-awghust.
RFA

Emma, yéqindin buyan xitay hökümitining Uyghur élidiki qosh til oqutushida bezi özgirishlerni élip bériwatqanliqi ilgiri sürülmekte. Ular 14-awghust ürümchide ottura we bashlan'ghuch mekteplerning qosh til dersliklirige özgertish kirgüzüshke bashlighan.

Amérikidiki Uyghur alim, doktor erkin sidiq ependi aldinqi programmimizda bu heqte mexsus ziyaritimizni qobul qilip “Gerche buni xitayning basqan bir ijabiy qedimi déyishke bolsimu, emma xitay hökümitining Uyghurlargha qarita yürgüzüwatqan ma'arip siyasitining nishani özgermey turup qosh til ma'aripini toghra yolgha kirdi déyishke bolmaydu. Eger xitay, Uyghur perzentlirini peqet boysun'ghuchi qullar qilip terbiyileshni nishan qilghan bolsa, hazirqi ilmiyliqtin halqighan bu qosh til ma'arip siyasiti xitay üchün toghra, undaq bolmaydiken, bu siyaset tüptin özgirishi kérek” dégen idi.

Undaqta, qosh til oqutushigha tüzitish kirgüzüshni nedin, qandaq bashlash kérek? toghra we ilmiy bolghan qosh til ma'aripi qandaq bolushi kérek?

Yuqiridiki awaz ulinishidin, erkin sidiq ependining bu mesililerge qarita jawablirini muxbirimiz teyyarlighan söhbet programmisining dawamidin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.