Xitayda bala qullar heqqide chiqqan yéngi naxsha


2007-06-22
Share

Xitayning senshi ölkisidiki bir kömür kanda balilarni qul qilish weqesi ashkarilan'ghandin kéyin, kommunist xitayning dölet kabiniti omumi axbarat chiqirip, weqeni tekshürüsh doklatini élan qildi we bu heqte senshining ölke bashliqi yüyujünni özini tekshürüshke buyridi. B b s ning bayan qilishiche, kommunist xitay hökümitining bash ministiri wén jyabaw dölet kabinitida qilghan sözide senshidiki kömür kan weqesining xaraktérini békitip 'senshidiki qara kömür kan weqesi qanunsiz ishchi yallash mesilisila emes, belki adem etkeschiliki mesilisi' dep jakarlidi. Shundaqla, pütün memliket buyiche yézilarda, kanlarda, karxanilarda adem yallash jehette chong tekshürüsh élip bérish heqqide buyruq chüshürdi.

Xewerde bayan qilinishiche, xitayning uchur wastiliri 'senshide saqchilar bala qullarni qutqazdi' dep xewer qilghandin kéyin, 400 neper bala qulning ata-aniliri imza qoyup merkezge erz yollap, bala qullarni dawamliq qutquzush lazimliqini telep qildi. Erz de éytilishiche, senshide pash qilin'ghan bala qul weqesi peqet pütün memlikettiki 'bala qul délolirining birla parchisi', qisqisi, xénendin senshige tutup kélin'gen 'bala qullar' ning hemmisi téxi toluq azad qilin'ghini yoq, belki ularning köpinchisi bashqa jaygha yötkep kétilgen. Bashqa ölkilerdiki bala qullarmu hazir yötkep yushurulmaqta.

Hökümetke erz sun'ghan ata-anilarning qarishiche, 'pütün junggoni qattiq silkindürgen bala qul weqesini chuqum pütün memliket buyiche intérnétte pash qilish, jinayetchilerni jazalap, balilarni teltöküs qutquzush lazim'.

Senshide yüz bergen weqe insaniyetni qul qilidighan 'junggoche sotsyalizm'

'Boshün tor béti'de élan qilin'ghan "kommunist hökümitining bandit bilen saqchi birleshken qara jem'iyiti" dégen mulahizide ' jungxu'a memliketlik bash ishchilar oyushmisi senshige xizmet guruppisi ewetip, weqeni tekshürüp bir terep qilghanliqi yaxshi boldi, buning ünümimu körüldi, emma melum bésimlar tüpeylidin hel qilghuch nuqtilargha zerbe bérilmidi' dep körsitildi.

Mulahizide bayan qilinishiche, hökümet weqening xaraktérini toghra békitelmidi. Emeliy pakitlargha hörmet qilghanda, senshide yüz bergen bu weqede dölet puqralirini göröge éliwélish, sétish, qul qilish, qirish, qoghdash heqqi élish, weqege süküt qilish, jinayetchilerni yushurush, weqening muhim pakitliri yoq qilish qatarliq éghir qanuniy mesililer mewjut. Buning özi xelqni qul qilidighan 'junggoche sotsyalizm'.

Senshide balilarni qul qilish weqeliri 10 yildin buyan mewjut

'Boshün tor béti'de élan qilin'ghan "kommunist hökümitining bandit bilen saqchi birleshken qara jem'iyiti" dégen mulahizide bayan qilinishiche, senshide balilarni qul qilish weqeliri 10 yildin buyan mewjut. Kommunist emeldarliri buni körmigen yaki sezmigen emes, belki ular bu jeryanda 'üchke wekillik qilish', 'kommunist partiyining ilgharliqini saqlash' wahakaza dégen junggoche sotsyalizm neziriyilirini öginip , döletning qanun organlirini qarangghu jem'iyetke aylandurush bilen shughullandi. Bu qétim jinayetchilerning chongliri qéchip bolghanda, andin her derijilik partkomlar , partiyining intizam tekshürüsh komitétliri peyda bolup, mehellilerdiki mu'awin bashliqlarni jazalashqa bashlidi.

Saqchilarning bu qétimqi qullarni qutquzush herikitide bir qisim jinayetchilerning qandaq qachqanliqi, saqchilarning qanchilik mudapi'e qilish heqqi alghanliqi, qullarning bir qismi qandaq qilip bashqa jaylargha yötkep kétilgenliki qatarliq mesililer hazir kishiler üchün yene bir sir bolup qaldi.

Yéngi ijad qilin'ghan 'junggo baliliri' dégen naxshni anglidingizmu?

'Yéngi esir zhurnili'da bayan qilinishiche, sichu'endiki ju yünféng isimlik bir ema sha'ir, kompozitor yéqinda, senshidiki bala qullar heqqide bir naxsha ijad qilghan. Ren yünféng isimlik bir kishi bu naxshining tékistini torda élan qilghan.

Sha'ir bu naxshida 1994 ‏- yili 12 ‏- ayning 8 ‏- küni qaramayda bir kulubta ot hadisisi yüz bergende, 'aldi bilen rehberler chiqip bolghiche' otta köyüp ölgen 228 neper ösmürni esligen؛ 2005 ‏- yili 6 ‏- ayning 10 ‏- küni salenjén baziridiki bir mektepni kelkün basqanda, qutquzush tedbiri qollinilmighanliqitin ölüp ketken 88 neper yash ‏- ösmürni esligen؛ 2003 ‏- yili 6 ‏- ayda, chéngdu shehiride saqchilar bir anini xéro'in chekti dep bir hepte qamap qoyup, öyde achliqtin ölgende 3 yashliq qizni esligen. Bu sha'ir ijad qilghan 'junggo baliliri' dégen naxsha tékistide " qaramay baliliri bolmanglar, ananglarning yürigi yérilip kétidu.

Salenjénning baliliri bolmanglar, ananglarmu tunjuqup qalidu. Chéngduluqning baliliri bolmanglar, saqchilar ananglarni emgüzmeydu. Xénen baliliri bolmanglar, eydiz wirusi qéninglardin ketmeydu. Senshi baliliri bolmanglar, atanglarnimu kömür qilip qalaydu " dep yézilghan. Bu naxshining neqirati "junggo baliliri bolmanglar, kommunist emeldarlar yep kétidu, ghalcha junggoluqning balisi bolmanglar, xojayinliri sétiwétidu ' dégen misralar bar. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet