Istanbulda qur'an oqush musabiqisi

Qur'an kerim allah teripidin muhemmed eleyhissalamgha nazil bolghan samawi kitab. Qur'an kerimni yadlash hemme kishige nésip bolmaydu, belki birer jem'iyet yaki rayondin bir qanche sanaqliq kishigila nisp bolidu.
Muxbirimiz arislan
2009-09-07
Share
Istanbulda-Uyghur-qarilar-musabiqisi-305.jpg Süret, 2009 ‏- yili 9 ‏- ayning 5 ‏- küni sherqiy türkistan maarip we hemkarliq jemiyitining uyushturushi we sherqiy türkistan wexpining sahibxanliq qilishi bilen élip bérilghan uyghur qariylar arisida quran oqush musabiqisidin bir körünüsh.
RRA Photo / Arslan

Bashqa musulman milletlerde qur'an yadlighan qariylar bolghandek Uyghur musulmanliri ichidimu qariylar mewjut, igilinishiche istanbulda yashawatqan Uyghurlarning ichide 15 neper resmiy diplom alghan qariy bar iken.

2009 ‏- Yili 9 ‏- ayning 5 ‏- küni sherqiy türkistan ma'arip we hemkarliq jem'iyitining uyushturushi we sherqiy türkistan wexpining sahibxanliq qilishi bilen Uyghur qariylar arisida qur'an oqush musabiqisi élip bérildi. 30 Pare qur'anni toluq yada élip diplom alghan 10 neper Uyghur qariy musabiqige qatnashti. Qariylarning ichidin yéshi chong bolghan 3 neper qariy musabiqini bahalap nomur qoydi. 7 Neper Uyghur qariy musabiqige qatnashti. Musabiqige istanbulda yashawatqan Uyghurlarmu teklip qilin'ghan bolup 400 din artuq kishi ishtirak qildi.

Musabiqide 30 pare qur'anning xalighan yéridin so'al sorash we tiz sür'ette jawab bérish, qur'anni yéqimliq qira'et qilish türliri boyiche émtihan élindi. Netijide 3 neper Uyghur qariy 1 ‏- 2 ‏- 3 ‏- derijilik mukapatqa érishti. 4 Neper qariy 4 ‏- derijilik mukapatqa érishti.

1 ‏- Derijilik mukapatqa, süriyidin kélip musabiqige qatnashqan shemsidin isimlik qariy ériship bir tal türkiye jumhuriyet altuni mukapati aldi. Bir tal altun 200 amérika dolliri qimmitige teng, türkiyide oqup qariyliq diplom alghan ekrem isimlik qariy 2 ‏- derijilik mukapatqa ériship yérim türkiye jumhuriyet altuni mukapat aldi. Misirda oqup diplom alghan abdusalam qariy 3 ‏- derijilik mukapatqa ériship charek jumhuriyet altuni mukapat aldi. Righbetlendürüsh mukapatigha abdumennan qariy, musa qariy, abduwéli qariy we memetyüsüp qariylar érishken bolup, bulargha qimmetlik maddiy boyumlar teqdim qilindi. Mukapatni murasimgha qatnashqan Uyghur péshqedem‏ shexsler bir ‏- birlep teqdim qildi.

Musabiqe axirida péshqedem wetenperwer zat seleyhajim artishi söz qilip, bu musabiqini uyushturushta maddiy we meniwiy jehettin qollap ‏- quwwetligen shexslerge teshekkür éytti we yashlargha nesihet qildi. Axirida iptar ziyapiti bérildi.

Biz musabiqe axirlashqanda, sherqiy türkistan ma'arip we hemkarliq jem'iyitining bash katipi doktur alimjan bilen bu musabiqe heqqide söhbet élip barduq.

Yuqiridiki awaz ulinishidin, bu söhbitimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet