Хитай һөкүмитиниң шәһваний үн - син мәһсулатлирини тәртипкә селиш һәрикитиниң уйғур юртлирида иҗра қилиниши өзгичә


2008-01-08
Share

Хитайниң учур - әшрият мәһкимиси 1 ‏- айниң 4 ‏- күни уқтуруш чиқирип 'шәһваний үн-син мәһсулатлирини тәртипкә селиш' дәп аталған үч айлиқ һәрикәт башлайдиғанлиқини елан қилған иди.

Б б с ниң баян қилинишичә, әмәлийәттә хитай һөкүмити пүтүн мәмликәттә бундақ бир һәрикәт қозғаш һәққидики уқтурушини 2007 ‏- йили 12 ‏- айниң 25 ‏- күни тарқатқан икән. Хитай һөкүмити йеңи йилда қозғиған бу һәрикәтни үч басқучқа бөлүп елип беришни, йәни 1 ‏- айниң 15 ‏- күнигичә пәскәш шәһваний үн-син мәһсулатлирини тәкшүрүшни; 1 ‏- айниң 31 ‏- күнигичә тәкшүрүлгән әһвални мәркәзгә йоллашни; 2 ‏- айниң 1 ‏- күнидин 3 ‏- айниң 10 ‏- күнигичә болса тәкшүрүп тепилған пәскәш үн-син мәһсулатлирини ишләпчиқарған кишиләрни вә орунларни җазалашни орунлаштурған.

Уйғурларниң инкас қилишичә, хитай һөкүмити һазир елип бериватқан 'шәһваний үн-син мәһсулатлирини тәртипкә селиш' дегән һәрикәтниң уйғур юртлирида иҗра қилиниши қуран вә башқа диний китабларни йиғиш, қаршилиқ билдүргән кишиләрни тутуп җазалаш, шундақла уйғурчә миллий әнәниләрни чәкләштин ибарәт болмақта.

Һазир норвигийидә туруватқан өмәр һаҗимниң баян қилишичә, тоқсу наһийисидә қурбан һейтиниң алди -кәйнидә, хитай һөкүмити йезиларға әвәткән 'онбеши', 'йүз беши', 'миң беши' дәп атилидиған 'йеңи әмәлдарлар' уйғурларниң өйлиридин қуран вә динға аит китабларни йиғип кетишкә, наразлиқ билдүргәнләрни тутуп кетишкә башлиған.

Норвигийидә туруватқан өмәр һаҗимниң баян қилишичә, хитай һөкүмити 'онбеши', 'йүз беши', 'миң беши' дәп йезиларға әвәткән 'йеңи әмәлдарлар' уйғурларға һейтлашмаслиқ, җамаәт болуп топлашмаслиқ, миллийчә той мурасими өткүзмәсликни җакарлиған.

Норвигийидә туруватқан өмәр һаҗимниң баян қилишичә, мушу һәрикәт башланғандин кейин, түрмидә йетиватқан уйғур мәһбусларму қаттиқ тән җазасиға учриған.

Һазир норвигийидә туруватқан өмәр һаҗимниң баян қилишичә, хитай һөкүмити уйғур қизлирини ичкиригә йөткәш һәққидиму йеза кадирлириға йәнә техиму конкрит вә еғир вәзипә қойған. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт