Қурбан һейт һарписидики әндишә


2007-12-19
Share

Бүгүн мубарәк қурбан һейтниң һарпа күни, пүтүн дуня мусулманлири қурбан һейтқа тәйярлиқ қилишмақта. Түркийидики уйғурлар бу һарпа күнидә қәбристанлиқларға берип, уйғур дияридин қечип чиқип бу йәрдә вапат болған йеқинлириниң қәбристанлиқлирини зиярәт қилип, дуа тилавәт қилишмақта.

Бу уйғурлар 1949 - йили хитай коммунистлири уйғур дияриға һаким болғандин кейин, вәтән үчүн вәтәндин айрилдуқ дәп түркийигә қечип кәлгән икән. Бу кишиләрниң көпи һаятиниң ахириғичә түркийидә шәрқий түркистан давасини елип барған болуп, бәзилири өзи туғулған йәрләрниң исмини дәп туруп җан үзгән. Буларниң әвладлири бүгүнки күндә түркийидә шәрқий түркистан давасини елип бармақта.

Булар қурбан һейт һарписида уйғур дияридин кәлгән хәвәрләрниң өзлирини қаттиқ биарам қиливатқанлиқини, һәр хил баһанилар билән һәтта уйғурларниң мубарәк қурбан һейитиниму раһәт өткүзүшигә рухсәт қилмайватқанлиқини, буниң уйғурларға елип бериливатқан зулумниң қанчилик еғир икәнликиниң бир ипадиси икәнликини, түркийидики уйғурлар намидин хитайни әйибләйдиғанлиқини ейтишти.

Түркийиниң қәйсәри шәһридә паалийәт елип бериватқан шәрқий түркистан мәдәнийәт вә һәмкарлиқ җәмийити рәиси, дуня уйғур қурултийиниң муавин башлиқи сейит түмтүрк әпәнди алди билән пүтүн дунядики уйғурларниң қурбан һейтни тәбриклигәндин кейин хитай һөкүмитини әйиблиди. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт