Qurban héyt harpisidiki endishe


2007-12-19
Share

Bügün mubarek qurban héytning harpa küni, pütün dunya musulmanliri qurban héytqa teyyarliq qilishmaqta. Türkiyidiki Uyghurlar bu harpa künide qebristanliqlargha bérip, Uyghur diyaridin qéchip chiqip bu yerde wapat bolghan yéqinlirining qebristanliqlirini ziyaret qilip, du'a tilawet qilishmaqta.

Bu Uyghurlar 1949 - yili xitay kommunistliri Uyghur diyarigha hakim bolghandin kéyin, weten üchün wetendin ayrilduq dep türkiyige qéchip kelgen iken. Bu kishilerning köpi hayatining axirighiche türkiyide sherqiy türkistan dawasini élip barghan bolup, beziliri özi tughulghan yerlerning ismini dep turup jan üzgen. Bularning ewladliri bügünki künde türkiyide sherqiy türkistan dawasini élip barmaqta.

Bular qurban héyt harpisida Uyghur diyaridin kelgen xewerlerning özlirini qattiq bi'aram qiliwatqanliqini, her xil bahanilar bilen hetta Uyghurlarning mubarek qurban héyitinimu rahet ötküzüshige ruxset qilmaywatqanliqini, buning Uyghurlargha élip bériliwatqan zulumning qanchilik éghir ikenlikining bir ipadisi ikenlikini, türkiyidiki Uyghurlar namidin xitayni eyibleydighanliqini éytishti.

Türkiyining qeyseri shehride pa'aliyet élip bériwatqan sherqiy türkistan medeniyet we hemkarliq jem'iyiti re'isi, dunya Uyghur qurultiyining mu'awin bashliqi séyit tümtürk ependi aldi bilen pütün dunyadiki Uyghurlarning qurban héytni tebrikligendin kéyin xitay hökümitini eyiblidi. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet