Германийидики қурбан һейит


2007-01-09
Share

Д у қ диний ишлар комитетиниң орунлаштуруши билән, 1 – айниң 7 – күни мюнхендики "бир дуня өйи" намлиқ тәшкилатлар бирләшмисиниң паалийәт мәркизидә қурбан һейт өткүзүлди. 12 – Айниң 31 – күни, германийә уйғурлири һейт намизини қурултай хизмәт бинасида топлишип оқуп, өз-ара пәтилишиш билән һейт һозуриға чөмгән иди. Бир һәптә кечикип өткүзүлгән бу қетимқи қурбан һейт паалийитигә мюнхен шәһири вә әтрап шәһәрләрдики уйғурлардин 200 дин артуқ киши қатнашти.

7 – январ чүш саәт 13:00 билән тәнтәнә ичидә башланған һейтлиқ паалийәт, кәч саәт 18 гә қәдәр давамлишип, наһайити көңүллүк ахирлашти. Паалийәт муқәддимисидә, д у қ рәһбәрлири уйғур миллий һәрикитиниң рәһбири, д у қ рәиси рабийә қадир ханимниң германийә уйғурлириға йоллиған салимини йәткүзди. Шундақла, аталмиш шинҗаң уйғур аптонум раюнлуқ парткомниң муавин секретари нур бәкриниң д у қ рәиси рабийә ханимни әйиблигәнликигә қаттиқ рәддийиләр бәрди һәмдә рабийә қадир ханим вә вәтән истиқлалийити йолида қурбан болған шеһитларниң иш – паалийәтлири әсләп өтүлди.

Бу қетимқи һейт паалийити нахша – усул билән башлинип, нахша усул билән ахирлашти. Бу қетимқи һейт паалийитигә дахил болған уйғур җамаити, һазирға қәдәр чәтәлдики мусапирчилиқ һаятта, бунчилик көңүллүк миллий сорунни көрмигәнликини бир еғиздин тәстиқлашти вә бу пурсәтни яритип бәргән д у қ ға рәһмәтлирини билдүрүшти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт