Gérmaniyidiki qurban héyit


2007-01-09
Share

D u q diniy ishlar komitétining orunlashturushi bilen, 1 – ayning 7 – küni myunxéndiki "bir dunya öyi" namliq teshkilatlar birleshmisining pa'aliyet merkizide qurban héyt ötküzüldi. 12 – Ayning 31 – küni, gérmaniye Uyghurliri héyt namizini qurultay xizmet binasida topliship oqup, öz-ara petilishish bilen héyt hozurigha chömgen idi. Bir hepte kéchikip ötküzülgen bu qétimqi qurban héyt pa'aliyitige myunxén shehiri we etrap sheherlerdiki Uyghurlardin 200 din artuq kishi qatnashti.

7 – Yanwar chüsh sa'et 13:00 bilen tentene ichide bashlan'ghan héytliq pa'aliyet, kech sa'et 18 ge qeder dawamliship, nahayiti köngüllük axirlashti. Pa'aliyet muqeddimiside, d u q rehberliri Uyghur milliy herikitining rehbiri, d u q re'isi rabiye qadir xanimning gérmaniye Uyghurlirigha yollighan salimini yetküzdi. Shundaqla, atalmish shinjang Uyghur aptonum rayunluq partkomning mu'awin sékrétari nur bekrining d u q re'isi rabiye xanimni eyibligenlikige qattiq reddiyiler berdi hemde rabiye qadir xanim we weten istiqlaliyiti yolida qurban bolghan shéhitlarning ish – pa'aliyetliri eslep ötüldi.

Bu qétimqi héyt pa'aliyiti naxsha – usul bilen bashlinip, naxsha usul bilen axirlashti. Bu qétimqi héyt pa'aliyitige daxil bolghan Uyghur jama'iti, hazirgha qeder chet'eldiki musapirchiliq hayatta, bunchilik köngüllük milliy sorunni körmigenlikini bir éghizdin testiqlashti we bu pursetni yaritip bergen d u q gha rehmetlirini bildürüshti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet