Д у қ 2- нөвәтлик иҗраийә комитети йиғини ечилди
2007.07.27
2 - Нөвәтлик д у қ ниң 1 - қетимлиқ иҗраийә комитети йиғини 5 - айда голландийиниң дәнһаг шәһридә чақирилған иди. 7 - Айниң 22 - күни германийиниң һамбург шәһридә сиясий паалийәтлирини ахирлаштуруп, мюнхен шәһригә йетип кәлгән д у қ рәиси, уйғур миллий һәрикитиниң рәһбири рабийә қадир ханимниң тәшәббуси билән, д у қ ниң баш шитабида 26 - июл күни кәч саәт 6 билән 2 - нөвәтлик иҗраийә комитети йиғини җидди чақирилди.
Муддәттин бурун чақирилған бу қетимқи пәвқуладдә йиғинға америка вә явропа әллиридики д у қ иҗраийә комитети тәркибидики һәр қайси бөлүмләрниң мәсуллири вә „олимпиккә қарши комитет" ниң әзалири иштирак қилди.
Бу қетимқи йиғинниң 1 - күни қолға кәлтүргән нәтиҗиләрдин мәмнун болған рабийә қадир ханим өз пикрини изһар қилип өтти. Рабийә қадир ханим йәнә бу йиғинда хитай һөкүмитиниң д у қ ға болған бузғунчилиқ һәрикәтлиригә үнүмлүк хатимә бәргәнликини алаһидә тәкитләп өтти. Йиғинниң 1 - күнидә, дуқ иҗраийә комитетиниң қурулмисида ислаһат елип берилди.
Һазирға қәдәр һәр хил сәвәбләр билән қурултай хизмәтлириниң сиртида қалған вәтәнпәрвәр затлар қурултай тәркибигә таллап киргүзүлди вә тегишлик вәзипиләргә тәйинләнди. Сабиқ шәрқий түркистан (уйғурстан) миллий қурултийиниң рәиси әнвәрҗан әпәнди д у қ иҗраийә комитетиниң қурултай баш шитабидики толуқ һоқуқлуқ вәкаләтчиликигә, явропа шәрқий түркистан бирлики тәшкилатиниң муавин рәиси аблимит турсун әпәнди дуқ фондиниң ярдәмчи мәсуллиқиға вә йәнә онлиған зиялийлар қурултай иҗраийә комитети әзалиқиға толуқлап сайланди. Бу қетимқи йиғинда йәнә америка, канада, шветсийә, норвегийә қатарлиқ көплигән дөләтләрдә қурултай вәкаләтчилирини вә иҗраийә комитети хадимлирини көпәйтип тәйинләш һәққидә қарар елинди.
Рабийә қадир ханим йиғинниң ахирида йиғин әһлини, хитай һөкүмити вә униң җасуслириниң д у қ ға болған суйиқәстлик һәрикәтлиридин һәр заман һушяр болушқа чақирди вә һәр бир вәкилдин өз зиммисигә алған вәзипиләрни биҗанидил орунлашни тәләп қилди.(Әкрәм)
Мунасивәтлик мақалилар
- Рабийә қадир ханим вә уйғур миллий һәрикити һәққидики қарашлар
- Германийә аммиви ахбарат вастилирида рабийә қадир ханим
- Рабийә қадир ханим "гүлдүрмама" намлиқ китаби һәққидә тохталди
- Америка дөләт мәҗлиси тунҗи қетим уйғурлар тоғрисида қарар лайиһиси қобул қилди
- Хитай террорчилиққа қарши туруш намида уйғурларни бастурмақта
- "Қутлуқ болсун уйғурлар, қутлуқ болсун рабийә ана!" намлиқ очуқ хәт һәққидә сөһбәт
- Рабийә қадир ханимниң тәрҗимиһал характерлик әсириниң нәширдин чиқиш мунасивити билән, долқун әйса сөһбәттә
- Рабийә қадирниң тәрҗимиһалиниң нәширдин чиқиш мурасими тоғрисида
- Рабийә ханим уйғурларниң мунәввәр вәкилиму яки җинайәтчиму?
- Ху җинтавниң шветсийә зиярити намайишқа дуч кәлди
- Дуня уйғур қурултийи хитайниң инкасини тәнқид қилди
- Рабийә қадир ханим, америка президенти җорҗ буш билән болған тарихи характерлиқ учрушушни түгүтүп америкиға қайтти
Көп көрүлгән хәвәрләр
RFA
- Хитай даирилириниң уйғур диярида чәт әл әплирини чәкләш агаһландуруши неминиң бешарити?
- Уйғур елида икки хил һейт мәнзириси: даириләр сунайниң ғемидә, аһалиләр канайниң
- Вашингтон әтрапидики уйғурлар бу йиллиқ роза һейт намизини биргә оқуп, роза һейтини күтүвалди
- Рошән аббас: уйғурларниң мәсилиси пүтүн инсанийәтниң мәсилисидур
- Зумрәтай әркин хан җәмәти черкавида уйғур ирқий қирғинчилиқини тонуштурған