D u q ning ikkinchi nöwetlik ijra'iye komitéti yighini muweppeqiyetlik axirlashti

• Muxbirimiz ekremning bu heqtiki toluq melumati
• Download story audio

26 - Iyul küni bashlan'ghan d o q ning ikkinchi nöwetlik ijra'iye komitéti yighini 27 - iyul küni muweppeqiyetlik axirlashti. D o q re'isi, Uyghur milliy herikitining rehbiri rabiye qadir xanim ikki kün dawam qilghan bu yighin munasiwiti bilen ziyaritimizni qobul qilip, öz qarashlirini diqqitimizge sundi.

Jiddiy chaqirilghan yighin ghelibilik boldi

Rabiye qadir xanim, aldi bilen muddettin burun jiddiy chaqirilghan bu qétimqi ijra'iye komitéti yighinining muweppeqiyet bilen axirlashqanliqini semimizge saldi.

Rabiye qadir xanim, sherqiy türkistan milliy mujadilisining uzun tarixqa ige bir mujadile ikenlikini, bügünki Uyghur milliy herikitining eshu mujadilining dawami ikenlikini, bu ré'alliqni tonughan asasta, d o q ni ayrim we yéngi qurulghan bir organ emes, belki 1992 - yili istanbulda qurulghan sherqiy türkistan milliy qurultiyining dawami dep tonushning téximu muwapiq bolidighanliqini yighin ehlining muhakimisige sundi we qurultay rehberlirining birdek testiqi bilen, bu heqte qarar qobul qilindi.

Rabiye qadir xanim bu qétimqi yighinda yene, qurultay teshkili qurulmisining yenimu mukemmelleshkenlikini hemde nahayiti muhim bolghan ichkiy qararlarning qobul qilin'ghanliqini tekitlidi.

Rabiye qadir xanim xitay hökümitining Uyghur milliti üstidin yürgüziwatqan zulum we zorawanliqining künsiri yéngi qiyapet we haletlerge kiriwatqanliqini, d u q ning buninggha munasip rewishte yéngiche taqabil turush tedbirliri heqqide pilan - layihilerni qobul qilghanliqini eskertti.

"D u q olimpikke qarshi komitéti" xadimliri tepsili wezipilendi

27 - Iyul küni yene 2008 - yilliq béyjing olimpik musabiqisigha qarshi etrapliq muzakiriler élip bérilghan bolup, rabiye qadir xanim "d u q olimpikke qarshi komitéti" ning pilan - layihilirige nisbeten yuquri baha berdi.

Rabiye qadir xanim, muddettin burun chaqirilghan bu pewquladde yighinning zor muweppeqiyetke érishkenlikini, pat arida d u q ning Uyghur xelqige xushxewer yollaydighanliqini alahide tekitlidi.

Bu qétimqi yighinda yene qurultay fondini yenimu küchlendürüsh, Uyghurluq bedilini pütkül döletlerde emelileshtürüsh, qurultay merkizi apparatini yenimu janlandurush hemde 2008 - yilliq béyjing olimpik musabiqisini bayqut qilish herikitini dunya miqyasigha kéngeytish üchün zörür bolghan qararlar qobul qilindi.

Yighinda yene, qurultay ijra'iye komitéti xadimlirigha, ijra'iye komitéti terkiwige toluqlap kirgüzülgen xadimlar we "olimpikke qarshi komitét" xadimliri tepsili wezipilendürüldi.

Yighinning axirida, milliy teshwiqatni küchlendürüsh üchün d u q ning neshir efkarini eslige keltürüsh, qisqa muddet ichide ayliq yaki qosh ayliq bir teshwiqat qoralini turghuzup chiqish heqqidimu qarar qobul qilindi.(Ekrem)