ئۈرۈمچى مۇسۇلمانچە قۇشخانا تاقالغاندىن كېيىن بۇ يەردىكى ئۇيغۇرلار قانداق قىلىدۇ ؟


2004-09-30
Share

10يىللار ئىلگىرى بىر قانچە ئۇيغۇر تىجارەتچىلەرنىڭ بىرلىشىشى بىلەن ئۈرۈمچىدىكى ئوتتۇرا ئايلانما يولغا قۇرۇلغان قۇشخانا ، كۈنىگە 12، 13مىڭ قوي كالا سويۇلىدىغان ، ئۈرۈمچىدىكى ئەڭ ئاساسلىق ۋە ئەڭ چوڭ مۇسۇلمانچە گۆش بازىرى بولۇپ كەلگەن .نۆۋەتتە ئۈرۈمچىدىكى خىتاي ھۆكۈمىتى مەزكۈر قۇشخانىنى تاقاپ ، بۇ جايدا تىجارەت قىلىۋاتقان ئۇيغۇرلارنى شىسەنگە خۇالىڭ گۇروھى يېڭىدىن قۇرغان قۇشخانىغا بېرىشقا دەۋەت قىلماقتا .

شەندوڭلۇق سودىگەرنىڭ مەبلەغ سېلىشى بىلەن قۇرۇلغان خۇالىڭ گۇروھى سودا تور بېتىدىن ئاشكارلىنىشىچە ، شىسەندە -30سىنتەبىر رەسمى تىجارەت باشلاشنى پىلان قىلغان بۇ يېڭى قۇشخانا ، گەرچە مۇناسىۋەتلىك دائىرىلەر تەرىپىدىن مۇھىت قوغداش، تازىلىق ئۆلچەملىرىگە لايىق دەپ باھا بېرىلگەن بولسىمۇ ،ئۈرۈمچى شەھەر ئىچى بىلەن ئارىلىقى يىراق بولغاندىن سىرت ، دائىرىسىمۇ تاقالماقچى بولغان مۇسۇلمانچە قۇشخانىدىن كۆپ كىچىك ئىكەن . يەنى ئالدىنقىسىدا 3000چە قاسساپ دۇكىنى تىجارەت قىلىۋاتقان بولسا ، شىسەندىكىسىدە 600دۇكان بار ئىكەن .

ئۇنداقتا ئوتتۇرا ئايلانما يول قۇشخانىسى تاقالغاندىن كېيىن بۇ جايدا تىجارەت قىلىۋاتقان ئۈچ مىڭدىن ئارتۇق دۇكاندىكىلەر قايەردە تىجارەت قىلىدۇ ؟ ئۇلارنىڭ تىجارەت ، تۇرالغۇ ، ئىقتىساد مەسىلىلىرىنى كىم ھەل قىلىدۇ ؟

بۇنىڭغا مۇناسىۋەتلىك مەسىلىلەرگە جاۋاپ ئېلىش ئۈچۈن بىز تاقالغان قۇشخانىدىكى بىر قانچە ئۇيغۇر تىجارەتچىنى تېلىفون ئارقىلىق زىيارەت قىلدۇق ، بۇ قۇشخانىدا 10 يىلدىن بۇيان تىجارەت قىلىپ كەلگەن بىر ئۇيغۇر ، بۇ قۇشخانىدىن كېتىشكە كۆزى قىيمايۋاتقانلىقىنى سۆزلەپ بەردى.

بۇنىڭ تەپسىلاتىنى ئۆز مۇخبىرىمىز گۇلچېھرەنىڭ بىر قانچە ئۇيغۇر ئاممىسى بىلەن ئۆتكۈزگەن تۆۋەندىكى سۆھبىتىگە دىققەت قىلىڭ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت