Ürümchi musulmanche qushxana taqalghandin kéyin bu yerdiki Uyghurlar qandaq qilidu ?

10Yillar ilgiri bir qanche Uyghur tijaretchilerning birlishishi bilen ürümchidiki ottura aylanma yolgha qurulghan qushxana , künige 12, 13ming qoy kala soyulidighan , ürümchidiki eng asasliq we eng chong musulmanche gösh baziri bolup kelgen .Nöwette ürümchidiki xitay hökümiti mezkür qushxanini taqap , bu jayda tijaret qiliwatqan Uyghurlarni shisen'ge xu'aling gurohi yéngidin qurghan qushxanigha bérishqa dewet qilmaqta .

Shendongluq sodigerning meblegh sélishi bilen qurulghan xu'aling gurohi soda tor bétidin ashkarlinishiche , shisende -30sintebir resmi tijaret bashlashni pilan qilghan bu yéngi qushxana , gerche munasiwetlik da'iriler teripidin muhit qoghdash, taziliq ölchemlirige layiq dep baha bérilgen bolsimu ,ürümchi sheher ichi bilen ariliqi yiraq bolghandin sirt , da'irisimu taqalmaqchi bolghan musulmanche qushxanidin köp kichik iken . Yeni aldinqisida 3000che qassap dukini tijaret qiliwatqan bolsa , shisendikiside 600dukan bar iken .

Undaqta ottura aylanma yol qushxanisi taqalghandin kéyin bu jayda tijaret qiliwatqan üch mingdin artuq dukandikiler qayerde tijaret qilidu ? ularning tijaret , turalghu , iqtisad mesililirini kim hel qilidu ?

Buninggha munasiwetlik mesililerge jawap élish üchün biz taqalghan qushxanidiki bir qanche Uyghur tijaretchini télifon arqiliq ziyaret qilduq , bu qushxanida 10 yildin buyan tijaret qilip kelgen bir Uyghur , bu qushxanidin kétishke közi qiymaywatqanliqini sözlep berdi.

Buning tepsilatini öz muxbirimiz gulchéhrening bir qanche Uyghur ammisi bilen ötküzgen töwendiki söhbitige diqqet qiling.

• Muxbirimiz gulchéhrening bu heqtiki söhbiti (1)
• Download story audio

• Muxbirimiz gulchéhrening bu heqtiki söhbiti (2)
• Download story audio

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar