Se'udi erebistandiki eng chong weqp binasi xoten rabat


2007-08-21
Share

Se'udi erebistanning medine munewwere shehiridiki xoten rabat (weqp öyi) 21- esirde sélin'ghan tunji weqip binasi hésablinidu. Eslide u 1961- Uyghur élining xoten wilayitidin kelgen ibrahim qari damollamning bashchiliqida sélin'ghan rabat bolup, 2005- yili se'udi erebistandiki yardimi bilen 6 qewetlik qilip, yéngi zaman'gha layiq shekilde qaytidin bina qilin'ghan. Bu rabat hazir se'udi erebistandiki eng yéngi we eng chong Uyghur rabatlirining biri hésablinidu.

Xoten rabatta Uyghur hajilar yatidu

Medine munewwere shehiridiki yéngi xoten rabatining mes'uli abdulla dölet söhbitimizni qobul qilip, mezkur qurulush heqqide uchur berdi.

Abdulla dölet medine munewwere shehiridiki xoten rabatini tonushturup mundaq dédi:" men bu rabatning mes'uli abdulla dölet bolimen. Özüm medinide tughulghan. Yurtimiz xotenning sampun dégen yéridin . Bu rabat yéngi sélin'ghan rabatlardin sanilidu. Bu rabat 1381- hijriye (1961- miladiye) yili sélin'ghan iken. Bu rabat ibrahim qari damollamning riyasiti bilen se'udi erebistanning her qaysi jayliridiki hemsheherlerdin i'ane toplash arqiliq sélin'ghan bolup, rabat pütkendin kéyin, ibrahim qari damollam rabatqa özi mes'ul bolup turghan. U waqitlarda bu rabatta sherqiy türkistanliq ajiz- uruq kishiler olturghan. Kéyinche wetinimizning sirtqa chiqish yoli échilghandin kéyin, Uyghur hajilar kélip yatidighan bolghan.

Bu rabatqa ibrahim qari damollam wapat bolghandin kéyin, abdulmuqtedir dégen kishi, uningdin kéyin, doktor abdulehet tahir, uningdin kéyin abduljélil tahir mes'ul bolghan. 1996- Yilidin béri men abdulla dölet bu rabatqa mes'ul bolup kéliwatimen."

Xoten rabatning yéngidin sélinish jeryani

Abdulla döletning éytishiche, medine munewwere shehiridiki xoten rabati 1961- yili tunji sélin'ghinida 2 qewetlik qilip sélin'ghan bolup, shu zamanlargha nisbeten chong rabatlardin sanilatti. Chünki u zamanlarda bu memlikette hazirqidek chong binalarmu barliqqa kelmigen we Uyghur élidin kélidighan hajilarmu yoq bir waqit idi. Yillarning ötüshi bilen bu rabat konirap ketken. Uning üstige Uyghur élidin hej we ömre hej qilish üchün kélidighan hajilarning barghanséri sani köpiyip bérip, bu rabat ularning éhtiyajini qanduralmaydighan ehwalgha chüshüp qalghan.

Shu sewebtin bu rabatni yiqitip tashlap ornigha yéngi we hajilarning yétip, qopushi üchün kengrek bir bina sélish qararigha kelduq. Bu pikirni se'udi erebistandiki Uyghurlar birdek qollap, quwwetlep her jehettin yardem qilidighanliqini bildürüshti. Shuning bilen eski rabatni buzup tashlap, hazirqi 6 qewetlik binani salduq.

Xoten rabat ikki milyon riyalgha pütüp chiqti

Abdulla dölet yene mundaq dédi: " men rabatning mes'ulliqini qolumgha alghandin kéyin, bu rabatni yéqip tashlap, se'udi erebistandiki hemsheherlerning yardimi bilen yéngidin 6 qewet qilip salduq. Buni sélip chiqishqa 2 milyon se'udi erebistani riyali( texminen 550 ming amérika dolliri) ketken boldi. Shundin biri yurtimizdin kelgen hajilar bu rabattin heqsiz paydilinip kelmekte."

Abdulla döletning éytishiche, bu rabat se'udi erebistanidiki Uyghur rabatlirining ichide eng yéngi we eng chong rabat bolghinining sirtida, medine munewwere shehiridiki peyghember meschitige eng yéqin rabat hésablinidiken. Bu rabatning yene bir ewzelliki shuki, bu rabatqa chüshkenlerning xotenlik bolup, bolmasliqi sürüshte qilinmastin Uyghur élidin kelgen hajilarning hemmisige her zaman ochuq iken. Pütün Uyghurlar üchün xizmet qilidiken. (Toxti)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet