Rabiye qadir xanim awstraliye parlamént ezaliri we tashqi ishlar minstirliqi emeldarliri bilen körüshti
2008.02.22
Dunya Uyghur qurultiyining mes'ullirining bayan qilishiche, awstraliye Uyghur jem'iyitining orunlashturushi bilen, 19- féwral küni awstraliye ziyaritini bashlighan Uyghur milliy herikitining rehbiri we dunya Uyghur qurultiyining re'isi rabiye qadir xanim, sédniy shehiridiki pa'aliyitini axirlashturup, 21- féwral küni awstraliyining paytexti kambéra shehirige bérip, lor férgison we maykél denbi qatarliq awstraliye parlamént ezalirining orunlashturushi bilen, awstraliye parlaméntining nurghunlighan ezaliri bilen körüshken hemde ulargha Uyghurlarning nöwettiki ehwali we xitay hökümitining Uyghurlargha qaratqan siyasiti heqqide melumat bergen.
Rabiye qadir xanim we dunya Uyghur qurultiyi wekilliri shuningdek awstraliye tashqi ishlar minstirliqining yuqiri derijilik xadimliri uchrashqan shundaqla kambéradiki amérika elchixanisining mes'ulliri teripidin kütüwélin'ghan.
Rabiye qadir xanimning bu qétimqi awstraliye ziyaritini orunlashturghan, awstraliye Uyghur jem'iyitining re'isi we dunya Uyghur qurultiyining awstraliyidiki wekili höseyin ependim, rabiye qadir xanimning kambéradiki uchrishishliri heqqide toxtilip ötti. Rabiye xanim we dunya Uyghur qurultiyi wekilliri kambéradiki pa'aliyiti axirlashturup, 22-féwral küni Uyghurlar bir qeder zich orunlashqan awstraliyining adalayd shehirige yétip kelgen.
Dunya Uyghur qurultiyi ijra'iye komitétining re'isi alim séyitof ependi rabiye xanimning adalayd shehiride, shu sheherde yashawatqan Uyghur jama'iti shundaqla awstraliye hökümet xadimliri we adalayd shehiridiki kishilik hoquq teshkilatliri mes'ulliri bilen körüshidighanliqini bildürdi.
Dunya Uyghur qurultiyi mes'ullirining éytishiche, rabiye qadir xanimning awstraliye ziyariti 29- féwral künigiche dawamlishidiken. (Ömer qanat)
Munasiwetlik maqalilar
- Kishilik hoquqni közitish teshkilati xitay kishilik hoquqi xatirisining 2007 - yilqi ehwalini tenqid qildi
- Uyghurlarning metbu'at we ijadiyet erkinlikining boghulushi (2)
- Uyghurlar heqqide insan heqliri doklati teyyarlash qarari maqullan'ghan
- Akisi xitay hakimiyiti teripidin ölüm jazasigha höküm qilin'ghan bir yash bilen söhbet
- Kishilik hoquqni közitish teshkilati, awstraliye bash ministirini xitaygha bésim ishlitishke chaqirdi
- Insan heqliri künide insanliq tragédiyisi
- Almatada Uyghurlar kishilik hoquq künini xatirilidi
- Kanadada Uyghurlar sükütte turup kishilik hoquq künini xatirilidi
- Uyghurlar dunya insan heqliri künini enqere sheher merkizide xatirlidi
- Uyghurlar dunya kishilik hoquq künini washin'gtondiki xitay elchixanisi aldida xatirilidi
- Gollandiyide " Uyghurlarning hej pa'aliyitige erkinlik" dégen shu'ar astida keng kölemlik namayish ötküzüldi
- Démokratiyining insan heqlirige bolghan tesiri
Köp körülgen xewerler
RFA
- “Uyghur” namini özgertish némige zörür bolup qaldi?
- Istanbulda Uyghur ta'amliri musabiqisi ötküzüldi
- Awstraliye tetqiqatchiliri xitay bilen hemkarliship Uyghurlarning DNA si üstidin tetqiqat élip barghan
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Xitay néme sewebtin aral shehiride yéngidin “Kespiy terbiyelesh bazisi” qurdi?