رابىيە خانىم سېدنىي شەھىرىدە ئاۋسترالىيە كۆچمەنلەر ئىدارىسى رەھبەرلىرى بىلەن كۆرۈشتى

2008-02-20
ئېلخەت
پىكىر
Share
پرىنت

Rabiye-awstiraliye-150.jpg
19‏- فېۋرال كۈنى،ئاۋسترالىيىگە يىتىپ بارغان ئۇيغۇر مىللىي ھەرىكىتىنىڭ رەھبىرى ۋە دۇنيا ئۇيغۇر قۇرۇلتىيىنىڭ رەئىسى رابىيە قادىر خانىم، سېدنىي خەلقئارا ئايرودرومىدا. Source: www.eastturkistan.org.au

19‏- فېۋرال كۈنى،ئاۋسترالىيىنىڭ سېدنىي شەھىرىگە يىتىپ بارغان ئۇيغۇر مىللىي ھەرىكىتىنىڭ رەھبىرى ۋە دۇنيا ئۇيغۇر قۇرۇلتىيىنىڭ رەئىسى رابىيە قادىر خانىم ۋە ھەمراھلىرى، سېدنىي خەلقئارا ئايرودرومىدا، ئاۋسترالىيە ئۇيغۇر جەمئىيىتىنىڭ رەئىسى ھۈسەيىن ئەپەندى باشچىلىقىدىكى شەرقىي تۈركىستانلىقلار تەرىپىدىن قىزغىن قارشى ئېلىنغان.

رابىيە خانىمنىڭ ئاۋسترالىيە زىيارىتىدە ئۇنىڭغا ھەمراھ بولۇش ئۈچۈن 18‏- فېۋرال كۈنى ئاۋسترالىيىگە يېتىپ بارغان دۇنيا ئۇيغۇر قۇرۇلتىيىنىڭ باش كاتىبى دولقۇن ئەيسا، سېدنىي ئايرودرومىدىكى قارشى ئېلىش مۇراسىمى ھەققىدە توختىلىپ ئۆتتى.

ئىگىلەشلەرگە قارىغاندا، رابىيە قادىر خانىم ۋە دۇنيا ئۇيغۇر قۇرۇلتىيى ۋەكىللەر ئۆمىكى، سېدنىي شەھىرىگە يېتىپ بېرىش بىلەنلا پائالىيىتىنى باشلىۋەتكەن.

20‏- فېۋرال كۈنى، ئاۋسترالىيىدە چىقىدىغان ئەڭ چوڭ گېزىتلەرنىڭ بېرى بولغان " سېدنىي مورنىڭ ھرالد" گېزىتىنىڭ زىيارىتىنى قوبۇل قىلغان رابىيە قادىر خانىم، ئاۋسترالىيە كۆچمەنلەر ئىدارىسى رەھبەرلىرى قاتارلىق ئاۋسترالىيە ھۆكۈمەت ئەرباپلىرى بىلەن كۆرۈشكەن.

Rabiye-awstiraliye-200.jpg
19‏- فېۋرال كۈنى،ئاۋسترالىيىگە يىتىپ بارغان ئۇيغۇر مىللىي ھەرىكىتىنىڭ رەھبىرى ۋە دۇنيا ئۇيغۇر قۇرۇلتىيىنىڭ رەئىسى رابىيە قادىر خانىم ۋە ھەمراھلىرى، سېدنىي خەلقئارا ئايرودرومىدا، ئاۋسترالىيە ئۇيغۇر جەمئىيىتىنىڭ رەئىسى ھۈسەيىن ئەپەندى باشچىلىقىدىكى شەرقىي تۈركىستانلىقلار تەرىپىدىن قىزغىن قارشى ئېلىنغان. Source: www.eastturkistan.org.au

ئاۋسترالىيە شەرقىي تۈركىستان جەمئىيىتىنىڭ ۋەكىلى زۇبەيرە خانىم، رابىيە قادىر خانىمنىڭ 20‏- فېۋرال كۈنىدىكى پائالىيىتى ھەققىدە توختىلىپ ئۆتتى.

خەۋەرلەردىن مەلۇم بولۇشىچە، رابىيە قادىر خانىم ۋە ھەمراھلىرى بۈگۈن ئاۋسترالىيە ھۆكۈمەت رەھبەرلىرى ۋە پارلامىنت ئەزالىرى بىلەن ئۇچرىشىش ئۈچۈن سېدنىي شەھىرىدىن ئاۋسترالىيىنىڭ پايتەختى كانبىرا شەھىرىگە قاراپ يولغا چىققان. (ئۆمەر قانات)

مۇناسىۋەتلىك ماقالىلار

پىكىرلەر (0)
Share
تولۇق بەت