Уйғур миллий һәрикитиниң рәһбири рабийә қадир ханим аделайдда қизғин күтүвелинди

2008-02-25
Елхәт
Пикир
Share
Принт

Rabiye-Xanim.-150.jpg
Уйғур миллий һәрикитиниң рәһбири вә дуня уйғур қурултийиниң рәиси рабийә қадир ханим, австралийидә. RFA Photo

Австралийидә зиярәттә болуватқан уйғур миллий һәрикитиниң рәһбири, дуня уйғур қурултийиниң рәиси рабийә қадир ханимниң паалийәтлири изчил давамлишиватиду. Австралийиниң сидней вә камбера шәһәрлиридики зияритини нәтиҗилик аяқлаштурған рабийә ханим һәмраһлири билән 23 ‏- феврал күни аделайд шәһиригә йетип барған.

Адалайд уйғурлар әң көп олтурақлашқан җай болуп, рабийә ханим бу шәһәрдә ялғуз уйғурлар билән учришип ‏- дидарлишипла қалмай, мәзкүр шәһәрдә һөкөмәт әрбаблири биләнму көрүшүп, уларға уйғур хәлқиниң һазирқи вәзийити, болупму уйғурлар дуч келиватқан кишилик һоқуқ дәпсәндичилики шуниңдәк уйғурларниң әркинликтин мәһрум қелиштәк ечинишлиқ кәчүрмишлирини аңлатқан һәмдә мәзкүр һөкүмәт әрбаблириниң һесдашлиқи вә қоллишиға еришкән.

Биз силәргә рабийә қадир ханимниң адалайд шәһиридики паалийәтлири һәққидә техиму тәпсилий мәлумат бериш үчүн, рабийә қадир ханим билән биргә зиярәттә болуватқан дуня уйғур қурултийи вәкиллиридин бири йәни дуня уйғур қурултийиниң баш катипи долқун әйса әпәнди билән өткүзгән сөһбитимизни диққитиңларға сунимиз. ( Әқидә)

Пикирләр (0)
Share
Толуқ бәт