Рабийә қадир ханим вә һәмраһлириниң җәнубий австралийә шитатидики зиярити

2008-02-27
Елхәт
Пикир
Share
Принт

Рабийә қадир ханим вә һәмраһлири җәнубий австралийидики зиярити җәрянида, һөкүмәт әрбаблири вә җәнубий австралийә парламинет әзалири билән учришип, уларға уйғур мәсилиси, уйғурларниң нөвәттики әһвали һәққидә тәпсилий мәлумат бериштин сирт, җәнубий австралийә парламент әзалиридин, уйғурларға қаратқан қаттиқ қол сиястини өзгәртиши үчүн хитай һөкүмитигә бесим ишлитишини шуниңдәк уйғурлар һәққидә бир қарар лайиһиси қобул қилишини тәләп қилған.

Мәркизи аделайд шәһиридики австралийә шәрқий түркистан җәмийити рәһбәрлири вә мәзкур шәһәрдики уйғур җамаити тәрипидин қизғин күтүвелинған рабийә ханим вә һәмраһлири, австралийә шәрқий түркистан җәмийити тәрипидин оюштурулған икки чоң йиғилишқа қатнашқан.

Уйғур миллий һәрикитиниң рәһбири рабийә ханим вә дуня уйғур қурултийи вәкилләр өмикиниң җәнубий австралийидики зияритиниң наһайити ғәлибилик өткәнликини тәкитлигән, дуня уйғур қурултийиниң баш катиби долқун әйса, рабийә қадир ханимниң аделайд шәһиридә 26‏- феврал күни елип барған учришишлири үстидә тохтилип өтти.

27‏- Феврал күни әтигән сидней шәһиригә йетип кәлгән рабийә қадир ханим вә һәмраһлири, австралийә уйғур җәмийитиниң орунлаштуруши билән, сидней шәһиридики австралийә һөкүмәт даирилири, кишилик һоқуқ тәшкилатлири вә мәзкур шәһәрдики түрк вә мусулман җәмийәтләрниң вәкиллири билән учрашқан. (Өмәр қанат)

Пикирләр (0)
Share
Толуқ бәт