Rabiye qadir xanim we hemrahlirining jenubiy awstraliye shitatidiki ziyariti

2008-02-27
Élxet
Pikir
Share
Print

Rabiye qadir xanim we hemrahliri jenubiy awstraliyidiki ziyariti jeryanida, hökümet erbabliri we jenubiy awstraliye parlaminét ezaliri bilen uchriship, ulargha Uyghur mesilisi, Uyghurlarning nöwettiki ehwali heqqide tepsiliy melumat bérishtin sirt, jenubiy awstraliye parlamént ezaliridin, Uyghurlargha qaratqan qattiq qol siyastini özgertishi üchün xitay hökümitige bésim ishlitishini shuningdek Uyghurlar heqqide bir qarar layihisi qobul qilishini telep qilghan.

Merkizi adélayd shehiridiki awstraliye sherqiy türkistan jem'iyiti rehberliri we mezkur sheherdiki Uyghur jama'iti teripidin qizghin kütüwélin'ghan rabiye xanim we hemrahliri, awstraliye sherqiy türkistan jem'iyiti teripidin oyushturulghan ikki chong yighilishqa qatnashqan.

Uyghur milliy herikitining rehbiri rabiye xanim we dunya Uyghur qurultiyi wekiller ömikining jenubiy awstraliyidiki ziyaritining nahayiti ghelibilik ötkenlikini tekitligen, dunya Uyghur qurultiyining bash katibi dolqun eysa, rabiye qadir xanimning adélayd shehiride 26‏- féwral küni élip barghan uchrishishliri üstide toxtilip ötti.

27‏- Féwral küni etigen sidnéy shehirige yétip kelgen rabiye qadir xanim we hemrahliri, awstraliye Uyghur jem'iyitining orunlashturushi bilen, sidnéy shehiridiki awstraliye hökümet da'iriliri, kishilik hoquq teshkilatliri we mezkur sheherdiki türk we musulman jem'iyetlerning wekilliri bilen uchrashqan. (Ömer qanat)

Pikirler (0)
Share
Toluq bet