Uyghur milliy herikitining rehbiri rabiye qadir xanim awstraliyidiki pa'aliyitini bashliwetti

Dunya Uyghur qurultiyining re'isi rabiye qadir xanim 3‏-ayning 19‏-küni ezerbeyjan medeniyet hemkarliq jem'iyitining teklipi bilen jem'iyet uyushturghan newroz bayrimi kéchilikige qatnashti.
Ixtiyariy muxbirimiz bextiyar
2011-03-21
Share
rabiye-awstraliye-305.jpg 3‏‏-Ayning 21‏-küni etigende dunya Uyghur qurultiyi teripidin uyushturulghan 5‏-nöwetlik Uyghur siyasiy pa'aliyetchilirini terbiyilesh kursida rabiye qadir xanim soz qildi. Awstraliye.
RFA/Bextiyar

Awstraliyide ötküzülidighan 5-nöwetlik Uyghur siyasiy pa'aliyetchilirini terbiyilesh korisigha yétekchilik qilish üchün 3-ayning 18‏-küni sédniy shehirige yitip kelgen dunya Uyghur qurultiyining re'isi rabiye qadir xanim 3‏-ayning 19‏-küni ezerbeyjan medeniyet hemkarliq jem'iyitining teklipi bilen jem'iyet uyushturghan newroz bayrimi kéchilikige qatnashti. Ezerbeyjan we türk kéchilik ishtirakchiliri rabiye xanimgha zor hörmet bildürüshti we nöwet bilen sözge chiqqan ezerbeyjan we türk jem'iyetlirining rehberliri "Mustapa kamal ata türk bolsa, rabiye qadir ana türktur" dep medhiyilidi.

rabiye-awstraliye-noruz-385.jpg
Awstraliyide Uyghur jem'iyiti uyushturghan noruz bayrimi kéchiliki. 2011-Yili 19‏-mart.
RFA/Bextiyar
3‏‏-Ayning 21‏-küni etigende New South Wales shtatining parlamént binasida xelq'ara démokratiyini ilgiri sürüsh teshkilatining hemkarliqi bilen dunya Uyghur qurultiyi teripidin uyushturulghan 5‏-nöwetlik Uyghur siyasiy pa'aliyetchilirini terbiyilesh kursi resmiy bashlandi.

Kech sa'et 5 de kursning tunji künini tamamlighan rabiye qadir xanim, démokratiyini ilgiri sürüsh jem'iyitining mu'awin re'isi lu'iza xanim bu qétimqi kursqa qatnishish üchün amérikidin we yawropadin kelgen dunya Uyghur qurultiyining rehberliri bilen birge, awstraliye Uyghur jem'iyiti uyushturghan noruz kéchilikige qatnashti hemde sözge chiqip, pütün dunyadiki sherqi türkistanliq wetendashlarni we noruz bayrimini xatirileydighan barliq xelqlerni bayram bilen tebriklidi we semimiy tileklirini bildürdi. Pa'aliyette yene, dolqun eysa, nuri turkel, hüsen hesen qatarliq dunya Uyghur qurultiyining rehberlirimu soz qildi. Pa'aliyetke türk fédératsiyisining re'isi, ezerbeyjan medeniyet hemkarliq jem'iyitining re'isi qatarliqlar qatnashti we söz qilip Uyghur xelqini noruz bayrimi bilen tebriklidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet