Rabiye qadir xanim b d t ning kishilik hoquq yilliq yighinida söz qildi


2007-03-27
Share

Igilishimizche, Uyghur milliy herikitining rehbiri we dunya Uyghur qurultiyining re'isi rabiye qadir xanimning bashchiliqida b d t kishilik hoquq kéngishining yilliq yéghinigha qatnshiwatqan Uyghur wekilliri, bu xelq'araliq kishilik hoquq yéghinigha qatnishish üchün shiwitsariyining jenwe shehirige kelgen kishilik hoquq kéngishige eza döletlerning wekilliri we her qaysi döletlerning diplomatliri we xelq'ara teshkilatlarning wekillirige xitay hökümitining Uyghurlargha qaratqan siyasitini chüshendürüsh hemde ulargha Uyghurlarning nöwettiki ehwalini tonushturush üchün jiddiy pa'aliyet élip barmaqta.

3‏-Ayning 26‏- küni rabiye qadir xanim, b d t kishilik hoquq kéngishi pa'aliyetliri da'irisi ichide kishilik hoquqning xitaydiki weziyiti heqqide orunlashturulghan yéghin'gha alahide teklip bilen qatniship söz qilghan. Rabiye xanim b d t kishilik hoquq kéngishige eza 47 döletning wekilliri, xelq'ara kishilik hoquq teshkilatlirining mes'ulliri qatnashqan bu yéghinda qilghan sözide,xitay hökümitining Uyghurlargha qaratqan siyasitini qattiq tenqid qilip, xelq'ara jama'etni xitayning Uyghurlargha qaratqan bésimini azaytishi üchün xitay hökümitige bésim ishlitishke chaqirghan.

Bu rabiye qadir xanimning b d t kishilik hoquq kéngishi munbiride tunji qétim söz qilishi bolup hésablinidiken.

Shiwitsariyining jenwe shehiride dawamlishiwatqan b d t kishilik hoquq kéngishining yéghini 30‏- mart küni axirlishidu. Biz Uyghur milliy herikitining rehbiri rabiye qadir xanim riyasetchilikidiki dunya Uyghur qurultiyi wekillirining jenwediki pa'aliyetliri heqqide kélerki programmimizda dawamliq melumat bérimiz.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet