Rabiye qadir xanimning b d t kishilik hoquq yighinidiki pa'aliyetliri dawamlashmaqta


2007-03-28
Share

D u q we UAA re'isi rabiye qadir xanim UAA bash katipi alim séytof bilen jenwege méngishtin burun washingtonda chaqirilghan ayallarni terbiyilesh yighinida. Image/UAA

Shwétsariyining jenwe shehiride dawamlishiwatqan b d t kishilik hoquq kéngishining yilliq yighinigha qatnishiwatqan Uyghur milliy herikitining rehbiri we dunya Uyghur qurultiyining re'isi rabiye qadir xanim bashchiliqidiki Uyghur wekiller, charshenbe küni xeter astidiki milletlerni qoghdash teshkilati qatarliq xelq'ara kishilik hoquq teshkilatlirining wekilliri hemde shwétsariye parlamént ezaliri bilen uchriship ulargha xitay hökümitining Uyghurlargha qaratqan siyasiti we Uyghurlarning nöwettiki ehwali heqqide melumat bergen.

Dunya Uyghur qurultiyining bash katipi dolqun eysaning bildürüshiche, rabiye qadir xanim bashchiliqidiki Uyghur wekillerning bu qétimqi shwétsariye ziyariti jenwe shehiridiki pa'aliyetler bilenla cheklinip qalmighan. Ularshwétsariyining paytexti bérn shehirige bérip shwétsariye hökümet xadimliri bilen körüshüp, xitay hökümitining Uyghurlarning kishilik hoquqini qandaq depsende qiliwatqanliqini pakit-deliller bilen otturigha qoyghan.

Igilishimizche, shiwitsariyidimu ziyaritini axirlashturghan rabiye xanim we dunya Uyghur qurultiyi wekilliri peyshenbe küni shiwitsariyidin ayrilidiken.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet