ئامېرىكا پرېزىدېنتى جورج بۇش رابىيە خانىمنىڭ كىشىلىك ھوقۇق پائالىيەتلىرىنى مەدھىيىلىدى
2007.06.05

گېرمانىيىدىكى سانائەتلەشكەن 8 دۆلەت باشلىقلار يىغىنىغا قاتنىشىشتىن بۇرۇن، چىخ دۆلىتىنى زىيارەت قىلغان ئامېرىكا پرېزىدېنتى بۇش، چىخ پايتەختى پراگادا دۇنيا ئۇيغۇر قۇرۇلتىيى رەئىسى رابىيە قادىر بىلەن كۆرۈشۈپ، ئۇنىڭ ئۇيغۇر كىشىلىك ھوقۇقى ۋە دېموكراتىيىسى ئۈچۈن ئېلىپ بېرىۋاتقان كۈرىشىنى مەدھىيىلىدى.
پرېزىدېنت بۇش، پراگادا چاقىرىلغان خەلقئارا دېموكراتىيە ۋە بىخەتەرلىك يىغىندا رابىيە قادىرنى ئالاھىدە تىلغا ئېلىپ، " رابىيە قادىر بۇ يەردە مەن كۆرۈشىدىغان يەنە بىر ئۆكتىچى زاتتۇر. بىز ئۇنىڭ ئوغۇللىرىنىڭ تۈرمىگە سولانغانلىقىنى ئۇنىڭ كىشىلىك ھوقۇقى پائالىيىتىدىن ئۆچ ئېلىش قىلمىشى ئىكەنلىكىگە ئىشىنىمىز،" دەپ كۆرسەتتى.
پرېزىدېنت بۇش يەنە، "رابىيە قادىرغا ئوخشاش ئەر ۋە ئاياللار شۇ دۆلەتلەرنىڭ زور بايلىقى، شۇنداقلا ئۇلار، قوراللىق ھەربىي قىسىملىرى ۋە يەر ئاستى نېفىت بايلىقىدىن قىممەتلىكتۇر،" دەپ كۆرسىتىدۇ.

يىغىنغا سۆز بېرىپ بولغاندىن كېيىن، پرېزىدېنت بۇش ۋە ئايالى لورا بۇش، رابىيە قادىر خانىم بىلەن ئايىم كۆرۈشۈپ، رابىيە قادىر خانىمدىن ھال سورايدۇ ۋە ئۇنىڭ ئۇيغۇرلارنىڭ ئىنسان ھوقۇقلىرى ئۈچۈن قىلىۋاتقان كۈرەشلىرىنى مەدھىيىلەيدۇ.
يۇقۇردىكى ئۇلىنىشتىن، مۇخبىرىمىز ئەركىننىڭ رابىيە خانىم بىلەن ئۆتكۈزگەن سۆھبىتىنىڭ تەپسىلاتىدىن خەۋەر ئالغايسىز
مۇناسىۋەتلىك ماقالىلار
- رابىيە قادىر خانىم داڭلىق " ۋال ستىرىت ژورنىلى " گېزىتىدە ئوبزور ئېلان قىلدى
- رابىيە قادىر MIT ۋە خارۋارد ئۇنىۋېرسىتىتىدا ئۇيغۇرلار ھەققىدە دوكلات بەردى
- ياۋروپا بىرلىكى ئۇيغۇرلاردىن نىمىلەرنى كۈتىدۇ؟
- خىتاي رابىيە قادىر خانىمنىڭ ئائىلىسىدىن ئۆچ ئالغانلىقىنى رەت قىلدى
- ياۋرۇپا پارلامېنتىغا تۆكۈلگەن كۆز يېشى
- د ئۇ ق نىڭ گوللاندىيىدىكى پائالىيەتلىرى غەلىبىلىك ئاياغلاشتى
- دۇنيا ئۇيغۇر قۇرۇلتىيى رەھبەرلىرى ياۋروپا پارلامېنتىدا بولدى
- د ئۇ ق رەئىسى رابىيە قادىر خانىم قۇرۇلتاي تەييارلىق خىزمەتلىرىنى كۆزدىن كەچۈردى
- ئابلىكىم ئابدۇرېھىمنىڭ قولغا ئېلىنغانلىغى - دۇنيانىڭ كۆزىدە
- رابىيە قادىر پەرزەنتلىرىنىڭ قاماق جازاسىغا ھوكۇم قىلىنىشى تۈرك دۇنياسىدا ئىنكاس قوزغىدى
- خەلقئارا كەچۈرۈم تەشكىلاتى خىتاي ھۆكۈمىتىنى، رابىيە قادىرنىڭ ئوغۇللىرىغا ئۆزلىرىنى ئاقلاش پۇرسىتى بېرىشكە چاقىردى
- خەلىقئارا جەمىيەتنىڭ ئابلىكىم ئابدۇرېھىمغا بېرىلگەن قاماق جازاسىغا ئىنكاسلىرى