Рабийә қадир ханим д у қ қурултийиға қатнишиш үчүн германийидә

2006-11-23
Елхәт
Пикир
Share
Принт

Д у қ ниң 2 – нөвәтлик вәкилләр қурултийиниң 24 – ноябир күни чақирилиши мунасивити билән, д у қ ниң германийидики баш шитаби хизмәт бинаси қайнам ташқинлиқ бир кәйпиятқа толған. Һәр қайси әлләрдин кәлгән қурултай вәкиллири бир бирлири билән қизғин дидарлишип, һал – муң қилишмақта. Д у қ рәиси әркин алиптекин әпәнди, уйгур миллий һәрикитиниң рәһбири рабийә қадир ханим башчилиқидики вәкилләрдин қизғин һал сориди һәмдә улар билән сәмими сөһбәтләр елип барди.

20 – Ноябир күни мюнхен шәһиригә йетип кәлгән уйғур миллий һәрикитиниң рәһбири рабийә қадир ханим, қурултай чақирилиштин илгири германийидә бир қатар сиясий паалийәтләр билән шуғуллинип, уйғур мәсилисини германийә юқири дәриҗилик һөкүмәт хадимлириға қәдәр йәткүзүш пурсәтлиригә еришти.

20 – Ноябир күни кәчтила берлингә қарап йолға чиққан уйғур миллий һәрикитиниң рәһбири рабийә қадир ханим германийә пайтәхти берлинда елип барған икки күнлүк зиярити җәрянида, германийә федерал җумһурийити парламентиниң, һәр қайси партийиләрниң юқури дәриҗилик әмәлдарлири билән учрашқан болсиму, уларниң исмини ашкарилашни рәт қилди.

Рабийә қадир ханимниң берлиндики зияритигә һәмра болған д у қ иҗраийә комитети рәиси алим сейит әпәнди, бу қетимқи зиярәтниң наһайити ғәлибилик болғанлиқини тәкитлиди.

Д у қ рәһбәрлири вә әзалири рабийә қадир ханимниң бу қетимқи зияритидин көп мәмнун болғанлиқини билдүрүшти. Рабийә қадир ханим шу тапта германийә мухбирлириниң зиярәтлирини қобул қилмақта.

Һазир германийиниң мюнхен шәһиридики д у қ хизмәт бинасида һәр қайси әлләрдин кәлгән вәкилләрниң сөһбәтлири давам қилмақта. Бу қетимқи қурултайниң тарихи әһмийәткә игә бир һадисә болидиғанлиқи һәққидә һәммә бир дәк қарашта болмақта.

Д у қ ниң 2 – нөвәтлик вәкилләр қурултийи 24 – ноябир күни германийиниң мюнхен шәһридә рәсмий башлиниду. (Әкрәм)

Пикирләр (0)
Share
Толуқ бәт