Rabiye qadir xanim d u q qurultiyigha qatnishish üchün gérmaniyide


2006.11.23

D u q ning 2 – nöwetlik wekiller qurultiyining 24 – noyabir küni chaqirilishi munasiwiti bilen, d u q ning gérmaniyidiki bash shitabi xizmet binasi qaynam tashqinliq bir keypiyatqa tolghan. Her qaysi ellerdin kelgen qurultay wekilliri bir birliri bilen qizghin didarliship, hal – mung qilishmaqta. D u q re'isi erkin aliptékin ependi, uygur milliy herikitining rehbiri rabiye qadir xanim bashchiliqidiki wekillerdin qizghin hal soridi hemde ular bilen semimi söhbetler élip bardi.

20 – Noyabir küni myunxén shehirige yétip kelgen Uyghur milliy herikitining rehbiri rabiye qadir xanim, qurultay chaqirilishtin ilgiri gérmaniyide bir qatar siyasiy pa'aliyetler bilen shughullinip, Uyghur mesilisini gérmaniye yuqiri derijilik hökümet xadimlirigha qeder yetküzüsh pursetlirige érishti.

20 – Noyabir küni kechtila bérlin'ge qarap yolgha chiqqan Uyghur milliy herikitining rehbiri rabiye qadir xanim gérmaniye paytexti bérlinda élip barghan ikki künlük ziyariti jeryanida, gérmaniye fédéral jumhuriyiti parlaméntining, her qaysi partiyilerning yuquri derijilik emeldarliri bilen uchrashqan bolsimu, ularning ismini ashkarilashni ret qildi.

Rabiye qadir xanimning bérlindiki ziyaritige hemra bolghan d u q ijra'iye komitéti re'isi alim séyit ependi, bu qétimqi ziyaretning nahayiti ghelibilik bolghanliqini tekitlidi.

D u q rehberliri we ezaliri rabiye qadir xanimning bu qétimqi ziyaritidin köp memnun bolghanliqini bildürüshti. Rabiye qadir xanim shu tapta gérmaniye muxbirlirining ziyaretlirini qobul qilmaqta.

Hazir gérmaniyining myunxén shehiridiki d u q xizmet binasida her qaysi ellerdin kelgen wekillerning söhbetliri dawam qilmaqta. Bu qétimqi qurultayning tarixi ehmiyetke ige bir hadise bolidighanliqi heqqide hemme bir dek qarashta bolmaqta.

D u q ning 2 – nöwetlik wekiller qurultiyi 24 – noyabir küni gérmaniyining myunxén shehride resmiy bashlinidu. (Ekrem)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.