Rabiye qadir xanim bawariyining yuqiri derijilik hökümet xadimliri bilen körüshti

2006-11-28
Élxet
Pikir
Share
Print
rabiye-germaniye-20.jpg

Dunya Uyghur qurultiyining re'isi, ataqliq insan heqliri pa'aliyetchisi rabiye qadir xanim 11 – ayning 27 – küni seher d u q ning xizmet binasida ötküzülgen qarar qobul qilish yighinini tamamlighandin kéyin, bawariye shtatining yuqiri derijilik hökümet xadimliri, parlamént we partiyiler rehberliri bilen alahide uchrishish élip bérip, sherqiy türkistandiki insan heqliri depsendichiliki heqqide doklat bergen. D u q re'isi rabiye qadir xanim bilen birge bu söhbetke ishtirak qilghan d u q ijra'iye komitéti re'isi alim séyit ependi ziyaritimizni qobul qilip, bu qétimqi uchrushushning mezmuni heqqide melumat berdi.

D u q ijra'iye komitéti re'isi alim séyit ependining bildürishe, d u q re'isi rabiye qadir xanim bawariyidiki eng chong partiyilerdin biri bolghan "sotsiyal démokratlar partiyisi" ning rehberliri bilen bolghan söhbetlirini axirlashturghandin kéyin, bawariye shtatining merkizi bolghan myunxén shehrining hökümet binasigha kélip, mu'awin sheher bashliqi bilen söhbetler élip barghan.

D u q ning re'isi rabiye qadir xanim myunxén sheher bashliqi bilen bolghan söhbettin kéyin, gérmaniyidiki töt chong partiyining biri bolghan "yéshillar partiyisi" ning bawariyidiki mes'uli margarita xanim bilen söhbet élip barghan we xitay terepning 2 – nöwetlik d u q chaqirilishtin ilgiri, bawariye hökümet xadimlirigha bésim ishlitishke urun'ghanliqi heqqidiki weqening tepsilatidin waqip bolghan.

D u q ijra'iye komitétining re'isi alim séyit ependining sözige qarighanda, "yéshillar partiyisi" ning bawariyidiki mes'uli margarita xanim xitay hökümitining myunxéndiki bash konsuli yang famililik xitayni ishpiyonluq jinayiti bilen eyiblep, uni sotqa béridighanliqini ashkarilighan. Bu heqtiki xewer myunxénda neshirdin chiqidighan "kechlik gézit" ning 24 – noyabirdiki sanida "xitay ishpiyunliri hökümet binasida" dégen namda élan qilin'ghan idi.

Ziyaritimiz jeryanida, d u q ijra'iye komitéti re'isi alim séyit ependi so'alimizgha jawap bérip, gérmaniye bash ministéri anjila merkil xanimning 2 – nöwetlik d u q ni tebriklep alahide xet ewetkenlikining tarixi ehmiyitining nahayiti zor bolidighanliqini tekitlep ötti.

D u q ning re'isi rabiye qadir xanim 11 – ayning 20 – künidin 23 – künigiche, gérmaniye paytexti bérlinda élip barghan ziyariti jeryanida, gérmaniye fédéral jumhuriyitining yuquri derijilik hökümet xadimliri bilen uchriship, Uyghurlar mesilisi boyiche muhim söhbetlerde bolghanliqini eskertken idi.

D u q re'isi rabiye qadir xanimning gérmaniyidiki yuquri derijilik hökümet xadimliri bilen élip barghan söhbetliri heqqidiki ziyaret xatirisining tepsilatini gérmaniyidiki ixtiyari muxbirimiz ekremdin anglang.

Pikirler (0)
Share
Toluq bet