Германийә аммиви ахбарат вастилирида рабийә қадир ханим


2007-07-02
Share

Д у қ ниң рәиси, уйғур миллий һәрикитиниң рәһбири рабийә қадир ханимниң тәрҗимиһали нәшридин чиққанлиқи мунасивити билән, рабийә қадир ханимниң германийидә өткүзгән бир һәптилик һаяти, германийә аммиви ахбарат саһәсиниң күчлүк диққитигә еришти.

Бу бир һәптә җәрянида, рабийә қадир ханим китабниң нәшридин чиқиши мунасивити билән германийә пайтәхти берлин шәһридә вә " яврупа санаитиниң тәрәққият мәркизи, сәнәт шәһири"дегән намлар билән мәшһур болған мюнхен шәһридә өткүзүлгән мурасимларға қатнишипла қалмай, йәнә шиветсарийиниң пайтәхти берн шәһридә өткүзүлгән мурасимларға қатнишип, уйғурлар мәсилисиниң герман тилида сөзлишидиған милләтләр арисида тарихта көрүлмигән дәриҗидә күчлүк тәсир пәйда қилишиға сәвәбчи болди.

Уйғур тәшкилати рәһбәрлири " биз милйонлап доллар хәҗләпму бундақ тәсирлик паалийәтни уюштуралмайтуқ вә бундақ күчлүк тәсир қозғиялмайтуқ " дейишти. Муһим дөләт әрбаблири, мәшһур сиясәтчиләр, әдибләр, сәнәткарлар вә инсан һәқлири тәшкилатлириниң рәһбәрлири қатнашқан бу мурасимларниң тәсири пүтүн германийини ләрзигә салди.

Дуня уйғур қурултийиниң сабиқ рәиси әркин алиптекин әпәнди рабийә қадир ханимниң қазанған мәзкур зор нәтиҗилиригә юқири баһа берип, рабийә қадир ханимниң китабиниң уйғурлар мәсилисини герман тиллиқ дөләтләргә тонуштурушта муһим рол ойнайдиғанлиқини муәййәнләштүрди. ( Әкрәм)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт