Gérmaniye ammiwi axbarat wastilirida rabiye qadir xanim


2007-07-02
Share

D u q ning re'isi, Uyghur milliy herikitining rehbiri rabiye qadir xanimning terjimihali neshridin chiqqanliqi munasiwiti bilen, rabiye qadir xanimning gérmaniyide ötküzgen bir heptilik hayati, gérmaniye ammiwi axbarat sahesining küchlük diqqitige érishti.

Bu bir hepte jeryanida, rabiye qadir xanim kitabning neshridin chiqishi munasiwiti bilen gérmaniye paytexti bérlin shehride we " yawrupa sana'itining tereqqiyat merkizi, sen'et shehiri"dégen namlar bilen meshhur bolghan myunxén shehride ötküzülgen murasimlargha qatnishipla qalmay, yene shiwétsariyining paytexti bérn shehride ötküzülgen murasimlargha qatniship, Uyghurlar mesilisining gérman tilida sözlishidighan milletler arisida tarixta körülmigen derijide küchlük tesir peyda qilishigha sewebchi boldi.

Uyghur teshkilati rehberliri " biz milyonlap dollar xejlepmu bundaq tesirlik pa'aliyetni uyushturalmaytuq we bundaq küchlük tesir qozghiyalmaytuq " déyishti. Muhim dölet erbabliri, meshhur siyasetchiler, edibler, sen'etkarlar we insan heqliri teshkilatlirining rehberliri qatnashqan bu murasimlarning tesiri pütün gérmaniyini lerzige saldi.

Dunya Uyghur qurultiyining sabiq re'isi erkin aliptékin ependi rabiye qadir xanimning qazan'ghan mezkur zor netijilirige yuqiri baha bérip, rabiye qadir xanimning kitabining Uyghurlar mesilisini gérman tilliq döletlerge tonushturushta muhim rol oynaydighanliqini mu'eyyenleshtürdi. ( Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet