Rabiye qadir xanim gollandiyidiki Uyghurning pa'aliyitini janlandurdi


2007-12-28
Share

Uyghur xelqining meniwiy anisi, dunya Uyghur qurultiyining re'isi rabiye qadir xanimning pütün dunyadiki Uyghurlargha chiqarghan murajiti we bu qétimqi bélgiye, shwétsariye ziyariti jeryanida irishken netijiliri chet'ellerde yashawatqan Uyghurlargha zor jasaret we ilham béghishlighan.

Uyghur xelqining teqdiri we kilechikige köngül bölüwatqan, emma jama'etchilik ishlirigha sirttin yardemde boluwatqan bir qisim talant igiliri rabiye qadir xanimgha yar-yölekte bolush, Uyghur dewasining xelq'aradiki tesirini téximu ilgiri sürüsh üchün jiddiy heriketke kelgen. Bolupmu rabiye qadir xanimning bélgiye sepiri jeryanida gollandiyide yashawatqan jama'et wekilliri bélgiyide rabiye qadir xanim we dunya Uyghur qurultiyi ijra'iye komitétining re'isi enwerjanlar bilen körüshüp, gollandiyide yashawatqan Uyghurlarning birlik, ittipaqliq asasida omumyüzlük heriketke kélip, gollandiyide kündin ‏- kün'ge tesiri zor boluwatqan Uyghur dewasining telipige maslishish üchün gollandiyide yashawatqan Uyghurlarni bir yerge jem qilish seperwerliki bashlan'ghan.

Gerche gollandiye yawrupadiki kichik döletlerning biri bolsimu, emma yawropaning qatnash tügüni bolushtek ewzelliki bilen yawrupa ittipaqining siyasiti we iqtisadigha zor tesir körsitip kéliwatqan döletlerning biri bolup, bu döletke kélip makanlishiwatqan Uyghurlarning köpiyishi we u yerdiki Uyghur jama'etchilikining tirishchanliqi arqisida Uyghur mesilisining gollandiyide tonulushi nahayiti tiz bolghan.

Gollandiyidiki Uyghur mesilisining hazirqi weziyiti heqqide bu seperwerlik pa'aliyitining bashlamchilirining biri bolghan gheyret ependi qarashlirini sözlep ötti.

Gollandiyidiki yashlarning eskertishiche؛ gollandiyide gerche talant igiliri we ot yürek jenggiwar yashlar köp bolsimu, emma ular nechche waqittin biri délighulluq ichide bir qarargha kélelmey jama'etchilik ishlirigha sirttin ariliship yürgen iken. Bu qétimqi rabiye qadir xanimning bélgiye sepiri ulargha nahayiti zor küch - quwwet ata qilghan bolup, ular tarqaq jama'etni bir yerge jem qilip, küchni toplap, ittipaqliqini kücheytish üchün seperwerlik hey'iti teshkillep, yighilish ötküzüp resmiy ish bashlighan. (Yalqun)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet