Rabiye qadir xanim amérika dölet mejliside ötküzülgen guwahliq bérish yighinigha qatnashti


2006-04-18
Share

4‏- Ayning 18‏- küni amérika dölet mejliside xitayning kishilik hoquq weziyiti heqqide guwahliqtin ötüsh yéghini ötküzüldi. Xitay dölet re'isi xu jintawning amérika ziyariti harpisida ötküzülgen bu guwahliqtin ötüsh yéghinigha, Uyghurlarning meniwiy anisi we Uyghur kishilik hoquq we démokratiye herikitining rehbiri rabiye qadir xanim alahide teklip bilen qatnashti.

Amérika dölet mejliside xitayning kishilik hoquq weziyiti heqqide guwahliqtin ötüsh yéghini ötküzüldi. Amérika dölet mejlisining nopuzluq ezaliridin bolghan tam lentos we frank wolfning bashqurushidiki amérika dölet mejlisi kishilik hoquq guruppisi teripidin uyushturulghan bu yéghin'gha Uyghurlarning meniwiy anisi we Uyghur kishilik hoquq we démokratiye herikitining rehbiri rabiye qadir xanimdin bashqa yene xelq'ara tibet herikitining wekilliri, xelq'ara kechürüm teshkilatining asiya bölümi mudiri t, kumar ependi we chégrisiz muxbirlar teshkilatining wekili qatarliqlar qatnashti.

Xu jintawning ziyariti munasiwiti bilen ötküzülgen guwahliq yighini

Yéghinning échilishida söz qilghan, amérika dölet mejlisi kishilik hoquq guruppisining mudiri hans hugrifi (Hans Hogrefe) ependi" bu qétimqi guwahliqtin ötüsh yéghini xitay dölet re'isi xu jintawning amérika ziyariti munasiwiti bilen ötküzülüwatidu. Bu yéghin amérika hökümiti we xelq'ara jama'etning diqqitini künséri nacharlishiwatqan xitaydiki kishilik hoquq weziyitige yene bir qétim tartishni we xu jintawning amérika ziyariti jeryanida bu mesilining untulup qalmasliqini meqset qilidu" dédi.

Sözide, amérika dölet mejlsi kishilik hoquq gurupi'isining xitayning kishilik hoquq weziyitini yéqindin közitip kéliwatqanliqini tekitligen hans hogrifi "amérika tashqi ishlar minsitirliqi teripidin xitayning kishilik hoquq weziyiti toghrisida élan qilin'ghan doklat, xitaydiki weziyetning barghansiri nacharlishiwatqanliqini éniqlidi. Bu amérika dölet mejlisi kishlik hoquq guruppisini qattiq epsuslandurmaqta " dédi.

Rabiye qadir xanim guwahliqtin ötti

Guwahliq bérish yighinidin körünüsh. RFA

Yéghinda tunji bolup, Uyghur kishilik hoquq we démokratiye herikitining rehbiri rabiye qadir xanim söz qildi. Rabiye qadir xanim yéghin qatnashquchilirining diqqet-étibarini qozghighan sözide, xitayning uyghulargha qaratqan siyasiy, iqtisadiy we ijtima'iy bésimining künséri küchiywatqanliqini, xitay hökümitining hazir uyghularning tarixini we medeniytini yuqitish üchün jiddiy pa'aliyet élip bériwatqanliqini, shuning üchün amérika hökümiti we xelq'ara jama'et Uyghurlargha qaratqan bésimini toxtitishi üchün xitay hökümitige téximu köp bésim ishlitishi kéreklikini bildürdi.

Rabiye qadir xanim sözide yene, xitay hökümitining sherqi türkistanda yürgüzüwatqan siyasitining xitayning bashqa herqaysi rayonlirida hetta tibette yürgüzüwatqan siyasitidin perqliq ikenlikini tekitlidi.

Rabiye qadir xanim sözide, xitayning dunyada xelq'ara térrorluqqa qarshi urushtin eng köp paydiliniwatqan dölet ikenlikini, xitay hökümitining xelq'ara térrorchiliqqa qarshi urushtin paydilinip, sherqiy türkistanda xitayning hakimiyitige qarshi türghanlarni, hetta ishsizliqtin shikayet qilghanlarnimu térrorchi dep basturushqa tirishiwatqanliqini tekitlidi.

Xelq'ara kechürüm teshkilatining teklipi

Bu qétimqi guwahliqtin ötüsh yéghinida , rabiye qadir xanimdin kéyin söz qilghan xelq'ara kechürüm teshkilati asiya bölümining mudiri t kumar ependi, xitay hökümitining uyghular we tibetlerge qaratqan bésimini künséri kücheytiwatqanliqini, emdi tigh uchini Uyghur we tibetlerning medeniyet we ma'aripigha qaratqanliqini tekitlep mundaq dédi:

"Amérika hökümiti sherqiy türkistan islami herikitini térrorchi teshkilatlar tézimlikige kirgüzüsh arqiliq xitayning Uyghurlarni basturushi üchün térrorgha qarshi urushtin téximu köp paydilinishigha bahane yaritip berdi. Shunga xitay hökümitining térrorchiliqqa qarshi urushtin paydilinip Uyghurlarni basturushining aldini élish üchün amérika hökümiti téximu jiddiy heriket qilish kérek". (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet