رابىيە قادىر خانىم كانادا زىيارىتى ھەققىدە توختالدى


2006-12-14
Share

دۇنيا ئۇيغۇر قۇرۇلتىيىنىڭ رەئىسى رابىيە قادىر خانىم مونترېئال ئايدۇرۇمىدا ئامېرىكا ۋاشىنگتونغا ئۇچىدىغان ئايروپىلاننى ساقلاۋېتىپ تېلېفوندا مۇخبىرىمىزغا كانادا زىيارىتىنى خۇلاسىلىدى.

رابىيە قادىر خانىم 8 - دېكابىردىن 14 - دېكابىرغىچە داۋام قىلغان كانادا سەپىرىدە، باش مىنىستىر ستىپان خارپېر، كانادا ھۆكۈمىتىدىكى يۇقىرى دەرىجىلىك ئەمەلدارلار، پارلامېنت ئەزالىرى ۋە كىشىلىك ھوقۇقى تەشكىلاتلىرى بىلەن ئۇچرىشىپ، ئۇيغۇرلار ھەققىدە بىر قاتار سۆھبەتلەر ئۆتكۈزۈش پۇرسىتىگە ئېرىشكەن. ئۇ، بۇ سەپىرىدىن " ناھايىتى مەمنۇن" بولغانلىقىنى بىلدۈرمەكتە.

رابىيە قادىر خانىمنىڭ كانادا زىيارىتىدىكى ئەڭ ئاخىرقى پائالىيىتى سەيشەنبە كۈنى كيۇبېك ئۆلكىسىنىڭ مونترېئال شەھىرىدىكى ئۇيغۇر مۇھاجىرلىرىنىڭ كۈتۈۋېلىش كەچلىكىگە قاتنىشىش بولدى. مونترېئالدىكى "ئۇيغۇر" رېستورانىدا ئۆتكۈزۈلگەن كېچىلىكتە رابىيە قادىر خانىم، كانادا سەپىرىدىن دوكلات بەرگەن ۋە كانادادىكى ئۇيغۇر مۇھاجىرلىرىنى ئىتتىپاقلىشىش ۋە تېخىمۇ زىچ ئۇيۇشۇشقا چاقىرغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت