رابىيە قادىرنىڭ تەرجىمىھالىنىڭ نەشىردىن چىقىش مۇراسىمى توغرىسىدا
2007.06.20
د ئۇ ق رەئىسى، ئۇيغۇر مىللىي ھەرىكىتىنىڭ رەھبىرى رابىيە قادىر خانىمنىڭ ھايات سەرگۈزەشتىلىرى ئەكىس ئەتتۈرۈلگەن، "گۈلدۈرماما" نامىدىكى تەرجىمىھال خاراكتېرلىك ئەسەرنىڭ نېمىسچە نۇسخىسى رەسمىي نەشرىدىن چىقتى.
گېرمانىيە يازغۇچىسى ئالېكساندرا خانىمنىڭ قەلىمى بىلەن دۇنياغا كەلگەن بۇ ئەسەرنىڭ قوشۇمچە ماۋزۇسى "خىتاينىڭ 1 - نومۇرلۇق دۈشمىنى" دېگەندىن ئىبارەت بولۇپ، ئەسەرنىڭ نەشرىدىن چىقىش مۇراسىمى 6 - ئاينىڭ 19 - كۈنى گېرمانىيە پايتەختى بېرلىندا داغدۇغىلىق ئۆتكۈزۈلگەن ئىدى. بۇ مۇراسىمغا د ۇ ق رەھبەرلىرىدىن رابىيە قادىر خانىم، دولقۇن ئەيسا ئەپەندى ۋە ئابلىكىم ئىدرىس ئەپەندىلەر ھەم بېرلىندا ياشاۋاتقان ئۇيغۇرلار ئىشتىراك قىلغاندىن سىرت، ئەسەر ئاپتورى ئالېكساندرا خانىم، گېرمانىيە پارلامېنتىنىڭ رەھبەرلىرى، بېرلىن شەھىرىنىڭ مەسئۇللىرى ، بېرلىن شەھىرىدىكى ئەدەبىيات - سەنئەتچىلەر، ھېنېي نەشرىياتىنىڭ رەھبەرلىرى، كىشىلىك ھوقۇق تەشكىلاتلىرىنىڭ رەھبەرلىرى، مەشھۇر سىياسەتچىلەر ۋە گېزىت - ژۇرنال مۇخبىرلىرىدىن بولۇپ يۈزدىن ئارتۇق كىشى قاتناشتى.
6 - ئاينىڭ 20 - كۈنى ميۇنخېن شەھىرىدىكى ئەدەبىياتچىلار سارىيىدا مەزكۇر ئەسەرنىڭ نەشرىدىن چىقىشى مۇناسىۋىتى بىلەن ئىككىنچى قېتىم ھەيۋەتلىك مۇراسىم ئۆتكۈزۈلدى. بۇ مۇراسىمغا رابىيە قادىر خانىم يېتەكچىلىكىدىكى د ۇ ق رەھبەرلىرى ۋە ئەزالىرىدىن سىرت، ميۇنخېن شەھرىدە ياشاۋاتقان يۈزلىگەن ئۇيغۇرلار مىللىيچە كىيىملىرى بىلەن كېلىپ قاتناشتى. مۇراسىمغا مەزكۇر ئەسەرنى نەشىر قىلغان مەشھۇر ھېنېي نەشرىياتى، ميۇنخېن ئەدەبىياتچىلار بىرلەشمىسى ۋە د ۇ ق بىرلىكتە ساھىبخانلىق قىلدى. مىيۇنخېندا ئۆتكۈزۈلگەن بۇ مۇراسىمغا باۋارىيە پارلامېنتىنىڭ مىللەت ۋەكىللىرى، يېشىللار پارتىيىسىنىڭ رەھبەرلىرى، مەشھۇر ئەدىبلەر، سەنئەتكارلار ۋە مۇخبىرلاردىن بولۇپ 200گە يېقىن كىشى قاتناشتى.
6 - ئاينىڭ 22 - كۈنى رابىيە قادىر خانىم باشچىلىقىدىكى د ۇ ق رەھبەرلىرى ۋە ئاپتور ئالېكساندرا خانىمنىڭ قاتنىشىشى بىلەن شىۋېتسارىيىنىڭ پايتەختى بېرن شەھرىدە يەنە بىر قېتىم داغدۇغىلىق مۇراسىم ئۆتكۈزۈلمەكچى.( ئەكرەم)
مۇناسىۋەتلىك ماقالىلار
- ئابدۇقادىر داموللامنىڭ مەشھۇر 3 ئەسىرى توغرىسىدا
- "ئاخىرقى دۇنياۋى كوزۇر - ئامېرىكا تۇرانى " ناملىق كىتاب ھەققىدە
- مەرھۇم دوكتور ئابدۇقادىر تاشنىڭ بىر پارچە ماقالىسى ھەققىدە
- ئەيسا يۈسۈپ ئالىپتېكىن ئەپەندىنىڭ "ئەسىر شەرقىي تۈركىستان ئۈچۈن" ناملىق كىتابىنىڭ داۋامى يورۇق كۆردى
- رابىيە خانىم ئۇيغۇرلارنىڭ مۇنەۋۋەر ۋەكىلىمۇ ياكى جىنايەتچىمۇ؟
- خۇ جىنتاۋنىڭ شۋېتسىيە زىيارىتى نامايىشقا دۇچ كەلدى
- ئامېرىكىنىڭ تەنقىدى توغرا بولغاچقا، خىتاي ئۇنى دۆلەت ئىچىدە خەلقتىن يوشۇرۇۋاتىدۇ
- دۇنيا ئۇيغۇر قۇرۇلتىيى خىتاينىڭ ئىنكاسىنى تەنقىد قىلدى
- رابىيە قادىر خانىم، ئامېرىكا پرېزىدېنتى جورج بۇش بىلەن بولغان تارىخى خاراكتېرلىق ئۇچرۇشۇشنى تۈگۈتۈپ ئامېرىكىغا قايتتى
- ئامېرىكا پرېزىدېنتى جورج بۇش رابىيە خانىمنىڭ كىشىلىك ھوقۇق پائالىيەتلىرىنى مەدھىيىلىدى
- رابىيە قادىر خانىم داڭلىق " ۋال ستىرىت ژورنىلى " گېزىتىدە ئوبزور ئېلان قىلدى
- رابىيە قادىر MIT ۋە خارۋارد ئۇنىۋېرسىتىتىدا ئۇيغۇرلار ھەققىدە دوكلات بەردى