Рабийә қадирниң тәрҗимиһалиниң нәширдин чиқиш мурасими тоғрисида


2007.06.20

RabiyekitapMuqawi1-150.jpg
Рабийә қадир ханимниң китавиниң муқави. Аптор: александра кавәлиус ханим. Rebiya Kadeer, with Alexandra Cavelius "The Stormer of the Sky" China's Public Enemy Number One by www.randomhouse.de

Д у қ рәиси, уйғур миллий һәрикитиниң рәһбири рабийә қадир ханимниң һаят сәргүзәштилири әкис әттүрүлгән, "гүлдүрмама" намидики тәрҗимиһал характерлик әсәрниң немисчә нусхиси рәсмий нәшридин чиқти.

Германийә язғучиси александра ханимниң қәлими билән дуняға кәлгән бу әсәрниң қошумчә мавзуси "хитайниң 1 - номурлуқ дүшмини" дегәндин ибарәт болуп, әсәрниң нәшридин чиқиш мурасими 6 - айниң 19 - күни германийә пайтәхти берлинда дағдуғилиқ өткүзүлгән иди. Бу мурасимға д у қ рәһбәрлиридин рабийә қадир ханим, долқун әйса әпәнди вә абликим идрис әпәндиләр һәм берлинда яшаватқан уйғурлар иштирак қилғандин сирт, әсәр аптори александра ханим, германийә парламентиниң рәһбәрлири, берлин шәһириниң мәсуллири , берлин шәһиридики әдәбият - сәнәтчиләр, һеней нәшриятиниң рәһбәрлири, кишилик һоқуқ тәшкилатлириниң рәһбәрлири, мәшһур сиясәтчиләр вә гезит - журнал мухбирлиридин болуп йүздин артуқ киши қатнашти.

Rabiye_kitapC-200.jpg
Рабийә қадир ханим, китавиниң аптори александра кавәлиус ханим билән. Rabiya Kadeer with the author of her biography. Photo by UAA

6 - Айниң 20 - күни мюнхен шәһиридики әдәбиятчилар сарийида мәзкур әсәрниң нәшридин чиқиши мунасивити билән иккинчи қетим һәйвәтлик мурасим өткүзүлди. Бу мурасимға рабийә қадир ханим йетәкчиликидики д у қ рәһбәрлири вә әзалиридин сирт, мюнхен шәһридә яшаватқан йүзлигән уйғурлар миллийчә кийимлири билән келип қатнашти. Мурасимға мәзкур әсәрни нәшир қилған мәшһур һеней нәшрияти, мюнхен әдәбиятчилар бирләшмиси вә д у қ бирликтә саһибханлиқ қилди. Миюнхенда өткүзүлгән бу мурасимға баварийә парламентиниң милләт вәкиллири, йешиллар партийисиниң рәһбәрлири, мәшһур әдибләр, сәнәткарлар вә мухбирлардин болуп 200гә йеқин киши қатнашти.

6 - Айниң 22 - күни рабийә қадир ханим башчилиқидики д у қ рәһбәрлири вә аптор александра ханимниң қатнишиши билән шиветсарийиниң пайтәхти берн шәһридә йәнә бир қетим дағдуғилиқ мурасим өткүзүлмәкчи.( Әкрәм)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.