دۇنيا ئۇيغۇر قۇرۇلتىيىنىڭ رەئىسى ۋە ئۇيغۇر مىللى ھەرىكىتىنىڭ رەھبىرى رابىيە قادىر خانىمنىڭ ھايات-سەرگۈزەشتىلىرى ئەكس ئەتتۈرۈلگەن " دﯤ ھىممەلىس شتۈرمەرىن" ناملىق تەرجىمىھال خاراكتېرلىك ئەسەر نىڭ نەشىردىن چىقىشى مۇناسىۋىتى بىلەن گېرمانىيىدە داغدۇغۇلۇق مۇراسىملار ئۆتكۈزۈلمەكتە.
6-ئاينىڭ 19- كۈنى گېرمانىيىنىڭ پايتەختى بېرلىن شەھىرىدە ئۆتكۈزۈلگەن مۇراسىمغا گېرمانىيە يېشىللار پارتىيىسىنىڭ رەھبىرى كلاۋدىيا روت قاتارلىق گېرمانىيىنىڭ ئاتاقلىق سىياسىيونلىرى، يازغۇچىلىرى، ژورنالىستلار قاتناشقان.
ئەسەرنىڭ نەشىردىن چىقىشى مۇناسىۋىتى بىلەن گېرمانىيە مەتبۇئاتىدا نۇرغۇن خەۋەر ۋە ماقالىلار ئېلان قىلىنغان بولۇپ، گېرمانىيە رادىئو ۋە تېلېۋىزورلىرىدا مەخسۇس پروگراممىلار ئاڭلىتىلغان ۋە كۆرسىتىلگەن.
يۇقىرىدىكى ئۇلىنىشتىن، "خىتاينىڭ بىرىنچى نومۇرلۇق دۈشمىنى" ناملىق ئەسەرنىڭ نەشىردىن چىقىشى مۇناسىۋىتى بىلەن گېرمانىيىدە ئۆتكۈزۈلۈۋاتقان تەنتەنىلىك مۇراسىملار ھەققىدە مۇخبىرىمىز ئۆمەر قاناتنىڭ دۇنيا ئۇيغۇر قۇرۇلتىيىنىڭ باش كاتىبى دولقۇن ئەيسا بىلەن ئۆتكۈزگەن سۆھبىتىنى دىققىتىڭلارغا سۇنىمىز.