Gérmaniyidiki Uyghurlar rabiye qadir xanimning terjimhalining neshirdin chiqqanliqi munasiwiti bilen tebriklesh pa'aliyiti ötküzdi

2007-06-26
Élxet
Pikir
Share
Print

6 - Ayning 24 - küni d u q ning re'isi, Uyghur milliy herikitining rehbiri rabiye qadir xanimning terjimhalining neshrdin chiqqanliqi munasiwiti bilen gérmaniyidiki Uyghurlar myunxén shehride tentenilik tebriklesh pa'aliyiti ötküzdi.

Gérmaniyide ötküzülgen bu pa'aliyetke d u q ning bash meslihetchisi erkin aliptékin ependi, qurultay ijra'iye komitéti mu'awin re'isi ablikim idris ependi, qurultay bash katipi, yawrupa sherqiy türkistan birliki teshkilatining re'isi dolqun eysa ependi we sherqiy türkistan informatsiye merkizining re'isi abdujélil qariqash ependiler yétekchilikidiki yüzdin artuq Uyghur jama'iti qatnashti. Pa'aliyet muqeddimiside, erkin aliptékin ependi pikir bayan qilip, barliq Uyghurlarni rabiye qadir xanimni pütün küchi bilen yenimu qollashqa chaqirdi.

Qurultay rehberliri Uyghur jama'itige rabiye qadir xanimning qolgha keltürgen büyük netijisi munasiwiti bilen, Uyghurlar mesilisining gherb siyasiy sehniside zor témigha ayliniwatqanliqini we rabiye qadir xanimning terjimhalining gérmaniyini lerzige séliwatqanliqini chüshendürüp ötti.

Gérmaniyidiki bu pa'aliyetni teshkilligen yawropa sherqiy türkistan birliki teshkilatining re'isi dolqun eysa ependi ziyaritimizni qobul qilip, bu qétimqi pa'aliyetning meqsidi heqqide chüshenche berdi we d u q ning bash meslihetchisi erkin aliptékin ependining chaqiriqi heqqide toxtilip ötti.(Ekrem)

Pikirler (0)
Share
Toluq bet