Rabiye qadir xanim londondiki pa'aliyetlirini bashliwetti


2007-10-01
Share

Rabiye qadir xanim MIT uniwérsitétida nutuq sehniside. UAA Photo

En'gliyidiki ziyaritini dawamlashturuwatqan Uyghur milliy herikitining rehbiri we dunya Uyghur qurultiyining re'isi rabiye qadir xanim, düshenbe küni londonda, xelq'ara kechürüm teshkilati , xelq'ara kishilik hoquqni közitish teshkilati we en'giliye tibet dostliri birleshmisining merkezliride orunlashturulghan yighinlargha qatniship, yighin qatanshquchilirigha Uyghurlarning nöwettiki ehwali we xitay hökümitining Uyghurlargha qaratqan bésim siyastini tonushturdi.

Dunya Uyghur qurultiyining en'gliyidiki wekili enwer toxtining bildürüshiche, rabiye xanim xelq'ara kechürüm teshkilati we kishilik hoquqni közitish teshkilati mes'ulliridin Uyghur mesilisige téximu köp köngül bölüshini we 2008‏-yilliq béyjing olimpik tenheriket yighini harpisida Uyghur mesilisini en'giliye xelqi we hökümiti shundaqla xelq'ara jama'etke téximu köp tonutush üchün tirishchanliq körsitishini telep qilghan.

Rabiye qadir xanim shundaqla düshenbe küni, 1‏- öktebir xitay dölet bayrimi we Uyghur aptonom rayoni qurulghanliqining 52 yilliqi munasiwiti bilen dunya Uyghur qurultiyining chaqiriqigha bina'en en'giliye sherqiy türkistan jem'iyiti teripidin londondiki xitay bash elchixanisi aldida oyushturulghan naraziliq namayishigha qatnashqan. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet