Рабийә қадир ханим норвегийидики муһим паалийәтлирини башливәтти

Нобел тинчлиқ мукапатини тарқитиш мурасиминиң шәрәп меһмини, дуня уйғур қурултийиниң рәиси рабийә қадир ханим 8 - декабир күни норвегийиниң пайтәхти ослоға йетип кәлди. Норвегийә уйғур комитетиниң рәһбәрлири вә әзалири рабийә қадир ханим вә ярдәмчиси алим сейитоф әпәндини айродромға чиқип қизғин күтүвалди.
Ихтиярий мухбиримиз айгүл
2010.12.09
Rabiye-xanim-sozde-305 Рабийә қадир ханим америка парламенттидики мәлум йиғинда сөздә.
UAA Photo

8 - Декабир күни кәчтә рабийә қадир ханимниң риясәтчиликидә канада, германийә, белгийә, шветсийә, түркийә вә норвегийидики дуня уйғур қурултийиниң асаслиқ рәһбәрлириниң бир ариға җәм болуши билән, алди билән дуня уйғур қурултийиниң ички ишлар йиғини чақирилди. Бүгүн әтигәндин башлап рабийә қадир ханим норвегийә вә дуняниң һәр қайси җайлиридин кәлгән мухбирларниң уйғур мәсилиси вә нобел тинчлиқ мукапати һәққидә сориған соаллириға җаваб бәрди. Андин кейин саәт 12 дә норвегийә тәрәққият партийисиниң әзалиридин карин ханим билән мәхсус учришишта болди.

Рабийә ханим зияритимизни қобул қилип нобел мукапати тарқитиш мурасимиға қатнишиш паалийитиниң әһмийити һәққидә тохталди.

Бүгүн кәчтә, яң җйәнли башчилиқида хитай демократчилириниң уюштуруши билән мухбирларни күтүвелиш йиғини ечилидиған болуп, йиғинға рабийә қадир ханим билән алим сейитоф әпәнди қатнишиду вә рабийә қадир ханим мухбирларниң соалиға җаваб бериду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.