Xitay hökümiti ablikim abdurihimni mexpiy sotlighan
2007.03.09
Xelq'ara kechürüm teshkilati 8- mart küni bayanat élan qilip, xitay hökümiti, ürümchidiki tengritagh tutup turush merkizide tutup turuluwatqan Uyghur milliy herikitining rehbiri we dunya Uyghur qurultiyining re'isi rabiye qadir xanimning oghli ablikim abdurihimning salametlik ehwalining nahayiti éghir ikenlikini bildürdi. Xewerlerge qarighanda, xitay hökümiti, 2007- yili 28- yanwar küni, türmidiki éghir ten jazasi tüpeyli, salametlik ehwali nacharlashqan ablikim abdurihimni mexpiy sotlighan bolup, uninggha "döletni aghdurushqa urun'ghan" , "milliy bölgünchi" we " rabiye qadirgha intérnét arqiliq uchur yollash" qatarliq jinayetlerni yükligen.
Xelq'ara kechürüm teshkilatining, rabiye qadir xanimning üchinchi oghli ablikim abdurihimning salametlik ehwali heqqide élan qilghan bayanatida, bildürüshiche, rabiye qadir xanim a'ilisi 1999- yili rabiye qadir xanim siyasiy jinayet bilen qarilinip türmige tashlan'ghandin buyan, xitay hökümitining zerbe nishanigha aylan'ghan. Bu xil zerbe bérish rabiye qadir xanim 2005- yili 17- mart küni amérika hökümiti we xelq'ara kishilik hoquq teshkilatlirining bésimi bilen qoyup bérilgendin kéyin téximu kücheygen. Chünki rabiye qadir xanim, xitay hökümitining tehditlirige qarimay, xitay hakimiyitige qarshi kishilik hoquq pa'aliyetlirini téximu janlandurghan we Uyghur insan heqliri we démokratiye fondi jem'iyitini qurghan.
Muxbirimiz ömer qanat, ablikim abdurihimning türmidiki ehwali we xitay hökümitining uninggha yükligen jinayetliri heqqide rabiye qadir xanim bilen söhbet ötküzdi.
Munasiwetlik maqalilar
- Nur bekrining sözliri qazaqistandiki Uyghurlarning naraziliqini qozghidi
- Dunya Uyghur qurultiyi nur bekrining rabiye qadir heqqidiki sözlirige reddiye berdi
- Rafto fondi jem'iyiti alim abduréhimgha jaza hokum qilinishigha qarita küchlük inkas qayturdi
- Rabiye xanim we pa'aliyetchiler xitayning alim abduréhimni qolgha alghanliqigha naraziliq bildürdi
- Xitay rabiye qadir xanimning oghulliri üstidin höküm chiqardi
- Xitay da'iriliri rabiye qadir xanimning oghli alim abduréhimni 7 yilliq qamaq jazasigha höküm qildi
- Rabiye qadirning qizi roshen'gül nezerbendtin qutuldi